法國農家菜

2014年8月26日 (二) (晴)

呢日好想食西餐... 

於是揀左法國雪山咖啡餐廳

老闆(即係大廚)係法國人, 以家庭式經營, 主打法國既家鄉菜

呢度雖然冇別於一般華麗裝修既法國餐廳

但就多左份家既感覺

同餐廳名字一樣, 牆上掛左法國白朗峰既雪山相...唔通就正係老闆既家鄉?

先點兩杯餐酒先~

呢度點主菜就可以加$78轉套, 包括任選餐湯, 甜品同飲品

我叫左洋葱湯配上暖暖既麵包唔錯

哈米波波既什菌湯, 唔知點解飲左兩啖都係飲到有蟹味...但菌味就欠俸

另叫既頭盤: 農家芝士扒~芝士面層香脆內裏軟綿濃郁, 用Salame包住一齊食

真係雙倍滋味! 真係食唔停口呢~

聽老闆娘講呢款芝士唔係成日有, 有時就有烤芝士...我都好想試埋啊!

哈米波波既酥皮焗牛柳

裏面偏medium rare, 味道濃郁, 配菜係Gratin Dauphinois忌廉焗薯好美味!

我既鵝肝牛柳就有少少失望, 鵝肝一D都唔脆...冇左應有既甘香味

老闆娘推介既招牌咖啡真係好飲喎!

甜品叫左桑紅梅白芝士 ~ 質感似乳酪但又有香滑芝士味

另一個白朗峰, 即係蛋白伴手打雲呢嗱汁...

自從屋企最近間超市執左之後, 買少少野都好唔方便...所以我都好耐好耐冇煮飯喇!

但成日要出街食都唔係咁健康...真係要多D下廚先得喇!