香港的"靜"土

2014年10月18日 (六) (晴)

今年好似好多負能量咁 (無論自己定香港)... 真係要搵個可以放鬆下既地方靜一靜

踏入十月份, 天氣清涼好舒服, 又係時候去野餐樂喇!

上年去過山頂同迪欣湖, 呢兩度雖然各有各好, 但同樣有樣缺點, 就係對我黎講交通唔方便

咁近城隍廟既我...點解諗唔到去元朗公園呢?

星期六放工後返屋企小睡半個鐘, 順便避一避猛烈既太陽先出發!

搭輕鐵去到水邊圍站, 落車行去好近就到~

元朗公園雖然唔係好大, 亦稱唔想十分優美, 但係重點係有幾遍大草地, 樹蔭位都夠多, 唔駛同人爭

今次冇乜時間準備, 所以只係買左D prama ham, 哈蜜瓜, 煙三文魚, 火腿, 方包, 白酒同蕉, 去到先夾黎食

時間同天氣都配合得好好! 曬唔到之餘又有涼風... 邊食野邊睇電視就最享受喇!

當然唔少得嘆返杯我至愛既Moscato啦! 

270度全景! 旁邊有人彈梗結他... 輕鬆既音樂令人好易入睡

喺D咁舒服既環境之下, 不知不覺又瞓左陣...瞓醒收拾完就喺公園行下

另一邊既大草地

呢度D草好靚, 夠多又冇蟻...不過多數都係斜坡上, 野餐要放飲品就麻煩D喇..

呢個係百鳥塔, 上到去會飽覽元朗區市景...不過我地冇行上去喇~

黃昏係時候要走lu...

好開心又發現左個野餐既好地方!!