2014年10月28日 (二) (晴)
金翅上癮鳥!!
自從六月尾時買左set gel nails同LED燈之後
正所謂工慾善其事 必先利其器
所以我又有藉口...好快就係淘寶淘左好多美甲貼紙同工具喇!
有蕾絲花花系
土豪金系
心心系
千鳥格系
紳士鬍子系
同事要求買既鴨鴨
貓貓
螢光系
蝴蝶系
仲有D閃粉、閃石、窩釘
金、銀、銅、黑、白既幼條膠紙
劃線筆、點石筆、尖咀鉗、圓點筆、膠水等
我而家keep住都有整...仲要幫埋同事鄰居整架!
Gel Nails初嚐試...整個最簡單黐下貼紙先!
第二次整下花款...
幫同事整
初初整都仲係好肉酸...成日油出界
呢個都係幫同事整...試下用普通甲油+Gel Nails既Base同Top
可能普通甲油未乾透, 所以整得唔好...失敗!!
幫鄰居整
玩玩下開始發覺淨係貼貼紙都滿足唔我喇...
所以初次點波點同劃直線
間色
幫同事整...有波點, 間色, 直線, animal pattern...
我幾鍾意呢個...好有馬賽克感覺...不過點左我兩個鐘!
最近幫同事整既...貼閃石, 漸變閃
整完又可以幫指甲扮靚靚, 又有滿足感呢~
幾時幫我整？
回覆刪除你整定你既撚手小菜等我黎啦! 哈哈!
刪除整得好靚! 我剩係左手幫右手搽甲油都搞唔掂! 哈哈
回覆刪除你可以訓練木木爸幫你整呀!
刪除自己整係好玩D,好過出街比人整
回覆刪除一貼就2小時@@.........
但而家D技術有待改進...要多D練習至得!
刪除嘩！自己整㗎？好靚又好勁！
回覆刪除係呀! 只係識D簡單款咋~
回覆刪除勁呀，可以開檔喎！
回覆刪除哈哈...咁先優惠下元朗街坊先啦!
刪除我見你整得好靚呀!! 我玩過一次, 都覺得好難!!
回覆刪除初初學整可以試下貼貼紙簡單D...整多幾次就有進步架喇!
刪除整得好靚呀~~ 咩花款顏色都有~~ 自己整到就可以省錢唔駛幫襯美甲店~~
回覆刪除係呀！之前搽普通甲油好快就會崩，又要等佢慢慢乾，呢d起碼keep到10-14日，同事最多試過keep 到三星期添，所以都幾抵玩架!
回覆刪除我又要整，好好心機同埋好仔細呀
回覆刪除買套gel nails玩下啦, 好有滿足感呢~
刪除