49 ~ 秋冬至愛

2014年11月1日 (六) (晴)

我幾時先唔駛星期六返工呀!!

是日又係一個長週星期六...

放工同哈米波波去左銅鑼灣既魂食拉麵...(之前影過, 所以冇影)

跟住就行下街...目標係睇定我既生日兼聖誕禮物...呵呵!

行到攰攰地於是求其去左麻布茶房飲杯野

哈米波波叫左芒果新地

我見佢個menu好多抹茶...樣樣都想試...最後叫左抹茶奶昔

哎....又再令我失望...淡到近乎白色既奶昔...毫無抹茶味

好似食梗成杯軟雪糕咁...

我好掛住宇治既抹茶雪糕呀!!

轉個頭又食第二餐喇!

哈米波波話好耐冇去過砂煲

趁天氣涼涼地...一於去滾一滾先!

黎過山林道既應該都會認得佢啦!

我地6:30pm就到, 只得一枱客人... 樓上仲有兩層private room呢~

咁耐冇黎, 價錢都冇乜點變喎!

上面係大根湯 (哈米波波至愛), 下面係sukiyaki (我至愛)

海鮮盤依舊豐富新鮮! 有扇貝, 鮑魚, 小象拔蚌, 蟶子, 蝦, 仲有兩款蔬菜, 粟米, 蘿蔔, 粟米心, 蕃茄, 金菇, 芋絲等, 左邊仲有碟墨魚滑...樣樣都好新鮮好味!

肥牛同豚肉...份量都唔少呢

隻鮑魚新鮮到仲郁郁下架! 

另外再叫左烏冬

西瓜作結!

每樣食少少已經好飽, 真係好滿足!