遊迪迪尼

2014年11月23日 (日) (晴)

自從迪迪尼開幕第二年去過兩次之後, 就冇再去過喇!

今次鄰居有飛, 所以益埋我地!

其實我一直都好恨聖誕期間去迪迪尼架!

因為有埋聖誕佈置真係好靚呢~~

小鎮大街都充滿聖誕氣氛!!

其實我地中午先入到去, 所以重點都係玩D之前冇玩過既"新"園區

反斗奇兵算係我最鍾意既園區之一

因為我好鍾意睇呢套動畫呢~

薯蛋頭先生好有性格!

三眼仔好可愛

仲有彈弓狗

我地首先玩左高速遙控車...初初以為喺迪迪既機動遊戲刺激極有限啦!

原來果個高速遙控車都幾刺激喎! 係快版既海盜船, 可能比海盜船更高更直添呀!

玩完個刺激既...就去玩返個小兒科啦!

呢個玩具兵團跳降傘望落去升得好慢啫...點知....

"唔見安仔蹤影, 各士兵各袖各位"

坐左上降傘偷影左張高空全景... (左邊果個就係高速遙控車, 咁睇真係好直架!)

以為呢個降傘冇料到...點知上到最高再chok兩下D離心力都幾勁呢~

連住反斗奇兵園區就係迷離莊園喇!

呢個係坐車睇野既...

好快睇完就去左灰熊山谷喇!

當然要玩下過山車啦! 超快感! 爽!

是日天氣好好! 買支米妮消下暑先!

中場休息去食tea...

趁哈米波波等位既時候, 我就去對面商店逛逛

有呢期大熱既Tsum Tsum公仔!

行個圈就已經有位喇!

當然叫返個afternoon tea set啦!

仲有特飲~

喺樂園裏面既餐廳當中, 我最鍾意呢間...

一杯Pink Banana Smoothies...見到粉紅蕉, 以為係加色素, 原來係士多啤梨蕉, 好好味喎!

另一杯熱古古力就冇乜特別

好豐富, 但又唔會過多! 份量啱啱好!

有芒果龍蝦杯

Tiramisu同cheese cake

煙肉蛋批同雞肉酥皮

酥皮野菌批同聖誕曲奇

牛柳串

米奇生果盤

提子鬆餅同牛肉三文治

樣樣都幾好味! 價錢又唔貴呢~

食完個tea...繼續去未去過既園區

小小世界

好靚呀! 呢個合適5歲以下既小朋友參觀

亮左燈既小鎮大街好靚!

光影巡遊

小鎮大街都有煙花

仲等埋睇煙花先走

最後臨走時有飄雪架!! 巧浪漫呀!

雖然冇左細個時去迪迪尼既興奮! 但都玩得好開心呢!!

~我仲見到黎梗有Iron Man新園區將會落成添呀!~ 期待!!