跨年打邊邊

2014年12月31日 (三) (晴)

除夕夜, 邀請左爸媽黎打邊邊

預先煲左個蕃茄薯仔粟米湯底先!

澳洲和牛~ 淨係睇佢D雪花紋路已經流口水啦!

熟長腳蟹 ~ 解凍後可即食, 又可以放入爐中焯熱, 不過佢地話凍食比熱食更鮮甜

丹麥有機豬腩片

海蝦同花甲都好新鮮

新鮮象拔蚌, 原來叫街市劏好, 返黎切片就得, 好方便! 好鮮味!

魚頭同龍躉球

唔少得丸同腸仔 (兩老麻麻地, 所以淨係準備少少)

仲有蝦滑, 墨魚滑同鯪魚滑都食唔晒呢~

由2014食到2015

祝大家2015年豐衣足食! 日日有食神!