沾…沾…沾…沾~麵

2015年3月5日 (四) (晴)

是日元宵節

放工同哈米波波去元朗新開1個月既沾麵店 ~ 彩

呢間店位於一個隱閉既後巷

但無礙佢既人氣

舖仔細細，大約只得十個位

我地去到已大排長龍 

等左半個鐘先有位…等等下仲見到哈米波波既同事

於是就一齊食個麵喇

店內有三款指定湯底，有豬骨，蝦湯同黑蒜湯

仲有是日限定既粟米牛油湯底

原來平時仲可以揀唔同味道既麵架…

可惜我諗我地果日只剩返一款冇得揀

小店由日本人開，感覺夠正宗

飲品有綠茶汽水同波子汽水

綠茶汽水係完全冇綠茶味架!

我既蝦湯沾麵

先飲一啖湯，味道頗濃，有d蝦膏味道

咸味似乎蓋過左蝦既鮮味

所以我都係鍾情"拉麵來"既蝦湯拉麵多d

至於麵係佢地自家制，份量十足，亦好有咬口

哈米波波既粟米牛油湯相對好似冇乜特別

店員話食到一半可加點果醋中和油膩感

之後亦可加清湯當湯飲

我試過加果醋，的確冇咁油膩，但再加清湯已經飲唔晒lu

差d忘記佢既溏心蛋同叉燒都幾好味

返到屋企有哈碌陪住食湯圓

哈碌: 白雪雪都唔方好食啦喵~

仲有幫佢拆利是

哈碌已經將佢既利是錢捐晒去SAA保護遺棄動物協會幫助其他有需要既小朋友

多謝各位叔叔姨姨!