失驚無神掃長洲

2015年3月8日 (日) (晴)

連續幾日都雨濕濕, 天陰陰

難得見返個太陽

於是我就提議去掃長洲

喺屋企食完個早餐就出發喇~

一落船第一時間去甘永泰

密密串

長洲大魚蛋

好多款丸丸呀~

特別註明"今日有蝦丸" 梗係要叫返串啦!

叫左蝦丸, 長洲大魚蛋同即叫即炸釀豆卜

大魚蛋大粒彈牙啖啖魚肉味

炸釀魚肉豆卜，魚肉用魚蛋既白魚肉，唔係鯪魚肉，所以滑d，唔會有碎骨，豆卜炸到卜卜脆好味!

至於蝦丸反而有少少失望，混合左豬肉既蝦丸變得冇乜蝦味

去對面買野飲

我既光芒四射事實與圖片不符喎....上面既芒果肉呢?

食完原味大魚蛋要整返串勁辣魚蛋先~

不過呢D咁大粒都唔入味既...辣度只屬小童級

唔知係咪允升芒果糯米糍賣到出晒名之後

幾乎成個長洲大小舖頭都有芒果糯米糍賣

見到呢間有榴槤糯米糍

愛榴槤既哈米波波嚷住要試

雖然唔係好大粒

但都好勁榴槤味!

而我既新目標就係去天后廟附近既芒果王

真係以芒果為主噃!

芒果糯米糍製作中...

店員話要六點先有芒果糯米糍

於是就食左碗芒果大菜糕先...芒果都唔算甜

既然仲有四個鐘先到六點

於是就去行下山喇~

沿途見到滿開既白花洋蹄甲好靚呀~

其實政府提議開僻郊外多種櫻花

不如喺市區多種洋蹄甲或本土既洋紫荊一樣咁靚啫!

跟住沿住海邊行...今次冇入張保仔洞

直接行去五行石

要喺石與石之間穿插

未潮漲...唔駛爬鐵絲網...

雖然有太陽曬住...但都有微風吹~ 幾舒服

呢棵樹離遠已經聞到好香呢~

我對花唔係好熟，只知呢隻花周圍都見到，連我屋苑都有，一開花就會好鮮艷燦爛

巧遇喵星人

行行下…突然聽到有堆人群聲

原來係圍住"長洲櫻花"影相

唔講真係唔知呢隻叫櫻花噃

一場黎到，人影我又影啦！

點知我部機仔對極都對唔到焦

真係越影越嬲，越影越谷氣!

算數…走人!

沿途見到有間貓貓屋好可愛

我都想要一個呀！

行返落山，去食個tea下一下氣先

紅豆冰 & 凍檸茶

哈米波波既常餐

我既大雞脾，即叫即炸，皮脆就脆喇，但乾左少少啫… 不過粗薯條係我至愛!

食下午茶時候，其實我地都有研究下部相機點可以成功影到花花，終於俾我地諗到可以用manual focus再試試，於是又行返上山 (只係好近的)

一定要影到為止

雖然都仲有好多改進空間 (eg 背光位, 顏色對比...)

但起碼唔會令我深深不忿瞓唔著先啦！

之後仲見到可愛既汪星人model

好cute呀！

繼續掃街…有芝士焗龍蝦

芝士焗生蠔

第一次買龍蝦做街邊小食 (40蚊)

好厚既芝士洋蔥煙肉鋪面

龍蝦肉有少少嚡，但味道係唔錯既!

再去貓貓店探下貓貓

三色靚女貓

5點半係時候去返芒果王買芒果糯米糍喇!

點知去到話已經賣晒，叫我地下次預訂

唔係化~ 又話六點先有得賣，又唔話我地知可以預訂

可能店員見我地之前黎過，於是肯"好心"賣兩件俾我地

睇真d左邊果件大件d架!

原來呢舊係雙層芒果! (另一舊得一層咋)

個糯米皮的確超薄

啖啖芒果肉好正，如果芒果再甜d就更好喇!

食完啱啱好夠鐘搭船走，好充實既一日!