又被惡魔打敗

2015年4月14日 (二) (晴)

自從農曆新年後, 公司發起左輪住請食Tea活動 (當然只限老闆級請啦!)

農曆新年已經日日大魚大肉架啦...仲要食足半個月Tea, 加上去旅行又係食食食

相信我都增磅唔少...::mm2442 

於是諗住開始我既減肥計劃

原本諗住呢晚清清地去食粥既...

點知突然粥店冇開...

哈米波波話如果新開間韓國餐廳冇乜人排就去試下啦!

天呀!!! 明明想食清D...你竟然提議去呢間我想食好耐既邪惡餐廳?? 好毒呀!!

我又一次受唔住誘惑...跟左魔鬼去食邪惡大餐喇...

呢間119 Korea Station其實同安東元祖奶奶雞係姊妹店

但主打既菜式就有所不同

呢間主打食芝士乜乜乜

1. 鐵鏟芝士炸雞 ~ 邪惡指數 ******爆燈

炸雞配芝士, 再加上大大舊cream cheese係上面, 睇見都覺得膩, 但我眼見店內九成人都叫呢個

越邪惡越快樂!!

2. 鐵鏟烤肉啾紅燒 ~ 邪惡指數 ****

少左D芝士就冇咁吸引囉...

3. 鐵鏟芝士排骨 ~ 邪惡指數 *****

我地要左呢個排骨半份, 份量唔算多, 減輕罪惡感

餐牌上其他有D同姊妹店係一樣的

裝修方面都係韓式鐵枱鐵罐櫈

牆上掛左消防員制服, 鐵牌...工業味濃

先黎韓國至hit啤酒飲法

啤酒配唔同味道既果汁一齊飲, 例如蜜桃, 柚子, 覆盆子

啱晒D唔鍾意苦味又想啤一啤既朋友

另外仲有一隻係冇酒精既Cider, 小朋友都啱飲呢~

辛湯海鮮鍋... 我地好鍾意飲湯, 呢個湯夠辣夠濃, 又多海鮮, 好好味!

芝士地獄薄餅...熱辣辣薄餅, 中間係辣肉醬, 上面加上厚厚芝士, 唔錯

主角出場喇!!

等D芝士溶左之後就可以剪開排骨, 用芝士包住黎食...

"芝"味沒法擋

一絲絲啖啖芝士...比芝士火鍋更杰更濃

食三舊夠晒喇!

食完呢餐唔知要跑返幾多個圈先夠喇!!