♥追櫻。高雄。阿里山♥ ~ Day 1 初來報到

2015年4月1日 (三) (晴)

{香港 -> 高雄機場 -> 那旅 -> 新堀江商圈}

結婚54個月, 晨早六點就搭的士去機場

由於長假期即將開始, 整個機場都十分繁忙...

又check-in, 又襟錢, 又過關

都沒有時間吃個早餐

難得CX/KA今次冇delay, 都要給個讚!

記得上次搭CX飛短途既早餐係超難吃乾爭爭凍冰冰麵包

今次竟然出乎意外地好吃, 係雞肉炒米線, 燒賣和餃子

奇華的香片茶餅都不錯呢~

剛剛吃完飛機餐已經要準備落機, 真係快過平時返工啊!

到達高雄機場... 和香港機場相比, 呢度實在太冷清喇!

第一件事當然要攞錢先啦!

聽台灣達人同事講, 喺台灣襟錢的對兌率係最好的!

記得要用提款卡有銀聯標誌同埋喺香港activate左海外提款服務先啊!!

第二件事就是買上網卡, 高雄機場裏只得一間

這幾天用都很順暢, 甚至去到阿里山也接收良好呢~

好了! 真的要出巿區喇... 搭捷運是最方便的!

高雄捷運只得兩條線, 非常簡單

由於我地只待在高雄兩天, 所以都沒有購買一天票或悠遊卡 (台北那張悠遊卡不能用呢!)

先到位於三多商圈的酒店放下行李

我住哪裏? 我就住在"那旅" 哈哈!

由三多商圈站遠大百貨出口, 向住85大樓方向一直走, 大約十分鐘便到!

酒店大堂夜晚變身酒吧?

要出發去行街喇!

高雄捷運用動漫美少女叫你唔好強行上車...香港就用王祖藍扮Do Do姐...差別太大了吧?!

想教育下一代, 都要有方法既!

去到中央公園站既新堀江商圈

朝早10點幾條街係冇人架~~

唯一開左既商店... 出發前search過到台灣必買手信

原來係Sofina既UV long keep base, 真係平過香港好多呢!

即刻入貨先!

中午12點週圍都仲係冷清清...

食肆都冇乜邊間開左...

於是求其去左呢間食lunch

粟米濃湯配蒜蓉厚多士

齋睇佢個湯以為係麵粉糊咁...但飲落原來都好有粟米味, 唔錯呢~

蜜桃汽泡 & 鳯梨汽泡

我的香蒜蜆肉意粉...蜆肉好滑...一間小店都做得咁出色

鹽酥雞扒飯都幾好!

食飽飽繼續行...依然未開.... 求其入左間小型百貨掃左好多零食手信...

呢間三連舖首飾店真係不得了! 首飾多到花多眼亂...

忍手下敗了兩對耳環一條頸鍊呢~

反而衫就睇唔啱...有D都偏貴呢~

由於著左新鞋有點刮腳, 而且又攞住好多戰利品

都係返酒店唞唞先喇~

第一次去旅行會有午睡時間, 超爽YY呢~

之前說過, 酒店設計帶點型格

我喜歡呢張椅喔!

還有免費支裝水, 咖啡茶等基本飲品

超舒服King size床...兩個人翻兩圈都踫不到對方...實在太正喇!

只是羽絨被對我來說有點熱

但廁所很細, 老公(大件點)都很難轉身...哈哈...

而且沖涼的企缸和浴缸是對著搖搖椅(沒遮沒擋那種)

若不是情侶會有點尷尬呢~ (不過後來發現呢間房已經算有私隱了, 另一間更精彩啊!)

~待續~