木婚漫遊巴塞隆拿 (Day 4) ~ 聖家堂

2015年10月3日 (六) (間中有陽光)

{Sagrada Familia 聖家堂 > Hotel Auto Hogan > Rambla dels Caputxins}

原來夜晚落過大雨, 半夜都聽到雨聲, 好彩起身就冇落雨喇!

瞓左一覺, 好番少少... 但依然冇乜胃口... (好彩唔係好嚴重啫!)

因為一早喺網上買左聖家堂既入場券, 所以都要照計劃出發

如果你去歐洲睇教堂睇到厭, 又或者覺得來來去去都係果D樣既話~

咁你就一定要去巴塞隆拿既聖家堂參觀喇!

Sagrada Familia 聖家堂亦係出自鬼才高第既設計

由1882年開始興建, 但起左百幾年, 至今都仲未完工...

不過...就已經被列入世界文化遺產喇!!

單睇佢既外貎已經與眾不同啦...

由地鐵站出黎, 會見到個小公園

呢度有個池塘, 正正就可以將聖家堂既倒影出黎! (如果天氣好, 倒影更加突出呢~)

睇到相中人同教堂既比例就知幾宏偉喇!

想入場參觀, 最好就預先上網買定飛, 否則買飛人龍要打晒蛇餅呢~

教堂外牆

Details位多到呢~~

唯一可惜係因為前一晚落大雨, 所以今日塔頂地濕唔開放...

冇得上塔頂參觀喇~~~ 而上網訂左飛既, 佢會自動將上塔既門票refund返去你信用卡

連大門細至一隻小甲蟲都雕刻埋!

教堂裏面果種氣派...真係要親身黎感受先知道呢~

莫非係達文西密碼? 非也...

呢D數字, 無論點樣組合, 答案加埋都係33, 亦正是耶穌受難時死既歲數

教堂下層同出口處都有展覽廳, 分別介紹高第既創作靈感

同教堂興建時既工程

好似教堂外呢D一支支塔頂, 靈感就來自薰衣草呢~

教堂模型

參觀完教堂...喺街上見到有遊客租呢D車黎揸...好過癮喎!

由於我都係冇乜胃口...所以只去coffee shop食點輕食...

呢份係哈米波波既...佢話好好味...但我一啖都唔想食...

反而對甜點仲有少少胃口... (可能甜品真係有第二個胃, 呢個胃冇病到)

黎西班牙點可以唔試下Churros喎...濃濃既古古力好好味...佢表面冇灑上糖, 食落冇咁甜添

今日要搬酒店喇...呢間係買package包既....喺Paral-lel站步行兩分鐘就到, 好方便

呢度係新翼, 都幾新淨清潔, 不過間房就細D...張床就硬D囉...

放低行李後....我選擇左午睡.....

瞓覺真係能醫百病...睡一覺真係精神返好多

可以出去行下喇....

呢條係蘭布拉大道, 係最繁忙既主要街道之一

街邊檔除左有好多賣手信舖之外, 仲有賣花賣"特別"植物種子

行行下見到有雪糕店....

又俾佢個花花雪糕吸引左...

不過實物與圖片不相符囉...喺韓國食果個仲靚仲好味...

夜晚隨意喺街上揀左間餐廳食飯...

我俾佢杯Rose Sangria吸引左...點知有點中伏...

火腿...好明顯唔夠噚晚36個月既咁出色...不過都唔差既...而且蜜瓜好甜, 加分!

仲叫左個海鮮湯...其實海鮮多過湯...二人食夠晒!

裏面材料好豐富, 用麵包點湯汁食好好味!

返到酒店就收到Reception打黎話我件行李終於送到喇!!!
一切以為安樂晒之際...
點知開喼發現唔見左副太陽眼鏡...
我以為留左喺英國家姐屋企啦...whatsapp問佢又話冇喎....
後來返到香港清空個喼, 發現唔止太陽眼鏡唔見左...仲連英國Harrods買既一盒餅同糖都唔見埋
個喼既鎖又冇爛 (我已經用完一個密碼鎖, 再將拉鍊扣位喼上既密碼鎖, 雙重保險架喇!)

唉...算啦...就當破財擋災吧...