X'mas Birthday!!

2015年12月

12月係我既生日月...亦係我最鍾意既月份

因為到左呢個時候, 我都會感受到大家帶俾我無限既愛同幸福!!

生日慶生第一餐飯 ~  皇府串燒

位於西營盤既一間小店...樣樣食物都好好味! 就算簡單如腐皮, 午餐肉都好好食!

但我最愛都係佢地既大隻蟶子! 多謝我既Travelholic buddies

呢位同事識左佢六年...因為大家都係同年結婚, 所以一齊籌備, 一齊整DIY

多謝佢每年都請我食生日飯!

浪人日本料理

今年最Surprise係我班好同事同我搞既生日會

第一次有我恨左好耐既汽球Party, 仲有佢地一個月前預定既Lady M聖誕版生日蛋糕

仲有我班好姊妹...唔理食D咩...只要大家一齊大吃大喝一番已經好滿足喇!

Last but not least, 有老公同我慶祝...

平安夜...我唔舒服..原本諗住BBQ, 最後只係有佢食冇我食...

不過為左呢隻龍蝦, 就算唔舒服都要食返啖...

學"叢林的法則", 將龍蝦原隻燒...真係超超超好味!!

完全保留左龍蝦既原汁原味, 龍蝦膏鮮甜無比...以後都要咁燒先得!

聖誕節生日正日, 胃口好返少少...

下晝去左睇葉問3

夜晚去Harlan...

Bellini & Red wine

Iberico 好味!

蘑菇, 海膽 (食唔出), 帶子湯...

白豆湯+溫泉蛋唔錯

side dish炒什菌

勁鍾意呢個松露薯蓉, 如果唔係有D唔舒服, 冇胃口, 我一定可以一個人KO晒佢!!

US Angus 肉眼

上甜品時又出現哈碌情況... 話說原來隔離枱既女生又係慶祝生日

而佢地就上甜品先, 老公見到人地個甜品有蠟燭, 初初仲以為人地送錯...哈哈...點知原來真係咁橋隔離都生日....

到侍應上甜品時一邊唱生日歌, 一邊將甜品擺喺我面前...

老公果刻竟然掛住篤電話... 毫無反應...

之後問返佢原來佢話果刻佢個心好擔心人地整漏左我個甜品...真係唔知好嬲定好笑...

Anyway, 只要每年都有我最愛既人同哈碌喺身邊就夠喇!