華欣曼谷泰梳乎 ~ Day 4

2016年3月6日 (日) (晴)

{翟道翟 > Tor Or Gor Market > Spa @ Urban Retreat > Gaggan > Red Sky Bar}

喺酒店食完早餐就出發去翟道翟...
住喺Terminal 21既好處係可以直接搭MRT由Sukhumvit去Kamphaeng Phet站
唔駛轉車, 仲有位坐添~ (大約20分鐘就到, 一出MRT站就係翟道翟, 超方便!)
其實呢次係我第一次去翟道翟架~ 因為時間有限, 所以預先已經mark低想行既舖既位置, 唔駛亂咁行...

我地大約10點去到, 好多舖頭都係啱啱開舖, 又唔多人, 行得好舒服
MRT一出就見到呢間香薰店, 一黎已經有收鑊喇!

出發前個個俾我既貼士係"去翟道翟一定成身臭晒!"

所以已經做足準備, 盡量唔帶咁多野去, 帶齊毛巾, 風扇仔, 遮...

好彩呢日都唔算好熱, 冇太陽曬住都有少少風吹 (我覺得夜晚行夜巿仲熱呢)

見到必食既椰子雪糕, 配上炒香既花生, 好好味!

跟住鬼嫁貼士去shopping, 真係滿載而歸呀!

可惜怕超重...唔敢買咁多...

如果有耐性慢慢行, 一定揀到心頭好呢!

我地喺呢度買左好多passport holder做手信

可以自訂logo同刻名添...

(點知之後喺Big C個商場見到一樣價錢, 又多款式, 仲有冷氣嘆住揀啊!)

仲有好多木制餐具...又係勁想買晒返香港...

幫鄰居買左塊木板, 自己又買一塊已經好重喇...

大約行左兩個鐘左右, 就去左隔離Or Tor Kor Market食lunch

泰國比我十年前黎既感覺真係好唔同...

地方乾淨左好多...呢個market令我覺得似去左新加坡呢~

求其揀左呢間食...

我叫左前面碗雞脾麵, 湯底有D似喇沙, 有半個炸麵餅, 都幾得意...雞脾都幾滑架!

老公就叫左雞飯, 隻雞就嚡D....

椰青只係幾蚊, 勁抵!

行完成身汗, 返酒店沖個涼就去左對面既Urban Retreat做Spa

雖然我冇去過第二間做, 但個人覺得整體感覺好似Let's Relax好D...

我做左個磨砂推油, 真係幾滑滑舒服既....

夜晚book左Gaggan餐廳!

呢間餐廳大有來頭, 係啱啱連續兩年榮獲亞洲最佳餐廳No. 1

大廚係印度人, 所以食物會帶點印度風+fusion日本風+分子料理, 係好特別既體驗呢!

餐廳係白色大宅, 舒服簡潔, 但略嫌枱與枱之間空間較少...

是日menu有二十一道菜

道道都有驚喜!

先黎頭盤, 頭十道都係用手食...

連埋包裝袋一齊食?!

雖然而家已經唔可以逐一拆解每道菜既味道, 但驚喜印象仲留喺腦海裏面

好似呢道uncooked cookies就係其中一道估你唔到得意之作

另一道要你估既菜色

menu上是要你估

開估了, 裏面原來係魚

抹茶蕃茄湯

呢個四層碗, 分別載住四款魚既菜色....

魚粥

魚骨煮成既蓉

主菜有慢煮羊扒, 好嫩唔騷

老公唔食羊, 所以食呢舊不知名東東

仲有懷舊飯壺載住既咖喱飯

甜品

咁多道菜, 淨係睇已經夠精彩... 你問我飽唔飽? um... 係夠既, 但唔係話好飽果隻, 男仕就應該未必夠喇~ 哈哈!

食完飯, 散步去Red Sky Bar...原來都幾遠架喎...

黎到啱啱好有位, 望住曼谷巿夜景, 微微涼風, 都幾舒服~

喺度飲返杯都幾寫意...

夜晚返酒店食喺Or Tor Kor Market買既栗子做宵夜...雖然粒粒細細粒, 但又幾好剝幾好味喎!