♥紫藤の約定♥ ~ 序

2016年4月29日 (五)

後日就出發去日本喇!!

原先打算去七日北九州

因為兩星期前既地震

令我大亂陣腳...

雖然我冇打算去熊本、阿蘇地區

但係地震都有波及大分縣 (由布院、別府)

加上太多報導...餘震...令我真係好矛盾...

如果冇得去溫泉果邊...我又覺得好可惜...

不如索性改行程...下次有機會先再去九州玩啦!

老實講....要我cancel溫泉酒店同D餐廳時...

個心真係好唔舒服... 希望佢地快D重建/修復好...唔好再有天災啦!

至於今次既行程, 主要係賞花+觀光團

因為機票改唔到...所以會照飛去福岡住兩晚

跟住就會去中国區既岡山、鳥取 << 呢個都係我好想去既地方呢~

行程如下:

Day 1  福岡 > 海ノ中道海濱公園 

Day 2  吉祥寺 > 河內藤園賞紫藤 > 小倉 

Day 3  出發去岡山 > 倉敷

Day 4  倉敷 > 岡山城 > 藤公園賞紫藤

Day 5  鳥取砂丘

Day 6  境港鬼太郎樂園 > 岡山

Day 7  回港

希望一切順利! 天天天晴!!