華欣曼谷泰梳乎 ~ Day 6 (完)

2016年3月8日 (二) (晴)

{地道雞絲米 > Let's Relax > 建興酒家 > Siam Square > Caturday Cafe > 回港}

食左幾日酒店早餐, 今日就跟鬼嫁諗下地道既街邊雞絲粉啦!
由於Terminal 21斜對面都係商業區林立, 所以朝早會擺滿車仔檔賣早餐...
好多上班族幫襯架! 好多人都會買飯添呢~

呢檔就係賣惹味雞絲湯粉喇!

隔離檔賣飲品

老實講, 唔係鬼嫁介紹, 我都未必會坐喺街邊食呢~

湯底的確濃郁, 加埋辣椒粉更惹味!

食完野就行返酒店, 因為book左去Let's Relax做泰式按摩

呢間Let's Relax喺Terminal 21既6樓, 但同酒店亦都相通既...(酒店入就會行後門)

我地係第一對客人

先黎杯舒服既香茅茶先...其實論環境, 服境, 舒適度, 我都喜歡呢度多過Urban Retreat呢~

按摩完飲啖茶, 食塊餅...

我地返酒店check out後, 放低行李寄存

就去左Siam既建興食lunch喇!

叫晒三款招牌菜

我係蟹后, 梗係要食隻大啦!

老公唔食生蝦...所以我一人獨享

主角咖喱蟹...啊...不過唔係我心目中既味道既...

呢個咖喱味唔夠香辣...花生醬味好重...

但勝在蟹鉗夠大隻, 啖啖肉...正!

呢個粉絲蝦煲都好中式啊...冇左泰式既香料味既...

食完晏, 去週邊既商場行下...

 正如我之前所講...我係唔適合行大商場既...

於是就去左呢間貓貓Cafe食tea兼玩貓喇!

有自家公仔, 好可愛!

貓奴實鍾意呢~

D甜品都好靚啊!

裏面有好多貓貓, 好親人...

我叫左彩虹pancake蛋糕配覆盆子醬, 醬汁酸酸甜甜, 好開胃, 好好味!

後面既芒果熱情果沙冰就酸左少少...不過都唔錯呢~

去泰友營有coupon免費送飲品一杯

老公竟然要可樂...

即叫即炸既粗薯條...難以抗拒

豹紋貓好特別!

太可愛了吧!

好多貓貓都毫不客氣地瞓喺人地枱面或袋上...

當然黎親既客人都唔會介意啦!

好多貓貓品種我都未見過...好似呢隻...身型好似一隻狗仔咁大...

靚女啊!

玩貓玩得太開心喇! 夠鐘要去機場喇...

返去酒店攞行李, 再搭airport express, 因為我地係放工時間, 諗住搭鐵路唔會塞車, 

點知超多人...要企足全程...

去到機場拿拿聲退稅...再急步行去check-in先發覺原來班機delay

送左張餐飲券

去左Mango Tree食...麻麻地咁啦...

最好味都係呢個芒果糯米飯

當然唔少得買船麵啦!

仲有帶芒果糯米飯返香港慢慢嘆...

最後班機delay左三個鐘呢...

~完~