♥紫藤の約定♥ ~ Day 4 (Part II) 岡山城

2016年5月4日 (三) (晴)

{倉敷 > 岡山城 > 岡山後樂園 > 高田屋}

上晝行完倉敷美觀區 (夜晚先發覺原來仲有D小街miss左...半晝時間真係唔夠架!)
食完lunch就搭幾個站JR去岡山喇!

一出站就見到代表岡山既桃太郎像喇!

跟住搭電車去岡山城...

竟然俾我遇上小玉電車喎!

估唔到除左和歌山之外, 喺呢度都會見到小玉

好可愛呀!

搭幾個站就落車喇...

一般日本既城池外牆都係白色

而岡山城就係黑色, 所以因此岡山城又名烏城...

天氣好好...沿路行都好舒服

仲見到河邊有人帶埋爐黎BBQ添~

終於行到去喇~ 比我想像中細喎...

黑色牆身好型呀!

買左岡山城同後樂園既套票

由頂層窗口影出去

裏面大部份地方都唔俾影相...除左呢度...

係古時既轎

仲有可以免費著和服影相

有D日本公主衫好靚架! 不過每小時只得五個名額, 先到先得!

行完岡山城, 過條橋就去到後樂園喇!

岡山後樂園係日本三大名園之一

都幾大, 但我覺得唔夠兼六園靚囉~

上到一個假山丘上, 超大風~

可能呢度仲未被遊客化, 多數都係本地人去...

所以都冇乜商店/手信店...

Sparkling Rose...比平時飲開既酒味重D

桃太郎?

行完公園...去返河邊既一間Cafe食個tea, hea一hea先!

揀左窗口位, 可以望住岡山城同河景... 難得既悠閒感覺...

独步提子味啤酒...比頭先支Rose好味喎! 真係有提子味的

我就飲抹茶拿鐵

仲叫左碟炸雞...成日聽人講喺日本食炸雞都好好味...

食完就知真係冇錯喎! 炸粉厚薄適中, 又夠脆...只係略嫌咸左少少啫...

見到河邊有幾隻天鵝船嗎? 我諗可以租俾人坐呢~

黃昏了...

唔知係咪日本公眾假期而有既小食檔呢~

雖然檔口唔多, 但都幾多選擇, 都幾熱鬧呢~

不過我地啱啱食完野...已經食唔落lu...

又有桃太郎...

原先最初想安排夜晚去岡山既藤公園睇夜藤既...

但網上睇過開花情況已經到左散落階段....而且地點又唔太方便...所以最後都係去返倉敷食晚飯算lu...

經過JR駅既甜品店, 又忍唔住買左杯食...

夜晚既倉敷美觀區, 又另有一番風味...

呢晚去左呢間網絡人氣no.1既高田屋

要四位以上先可以book位...所以要乖乖等位...

日本等位好多時都係排排坐櫈仔...排最頭果個入左坐, 你就要順住坐前一個位...唔好亂咁坐呀!

等左一陣終於可以入坐...呢度係食串燒架!

坐Bar枱就可以望住師傅燒喇~

又係全日文餐牌...好彩佢有Set...唔駛煩

每人有十串再加前菜

前菜有枝豆, 豆腐同一個類似肉碎既物體

Set裏面既串燒都好大路, 都係豬, 牛, 雞, 冇內臟的

燒得好惹味...但又係濃味左D...

對女生既胃口黎講, 十串都夠飽既...至於男士...可能會爭少少囉...哈哈!

食飽飽就夜遊美觀區喇! 

呢個時候先發現, 原來日頭仲有好多地方未行呢~ 可惜當時大部份既舖頭都已經收左檔啦~ 

呢間燈飾店好靚呀!

夜晚既寧靜...同日頭好大分別呀!

♥紫藤の約定♥ ~ 序

♥紫藤の約定♥ ~ Day 1 (Part I) ~ 海の中道海濱公園

♥紫藤の約定♥ ~ Day 1 (Part II) ~ 蟹の盛宴

♥紫藤の約定♥ ~ Day 2 (Part I) ~ 吉祥寺

♥紫藤の約定♥ ~ Day 2 (Part II) 夢幻般的紫藤

♥紫藤の約定♥ ~ Day 2 (Part III) - 高級壽喜燒

♥紫藤の約定♥ ~ Day 3 (Part I) 天氣不似預期

♥紫藤の約定♥ ~ Day 3 (Part II) 倉敷三井Outlet

♥紫藤の約定♥ ~ Day 4 (Part I) 走進江戶時代