♥紫藤の約定♥ ~ Day 4 (Part I) 走進江戶時代

2016年5月4日 (三) (晴)

{倉敷 > 岡山城 > 高田屋串燒}

上回講到入住左間性價比極低既賓館

好在佢包既早餐都救回少少分數...

早餐既地方係大樓既地庫

咁大個魚池...睇黎係食瀨戶內海既海鮮喎...

其實去日本, 我都鍾意揀返和式早餐架~ 可能平時少食, 覺得有新鮮感D

而且每朝一條魚, 感覺好似好健康咁~

雖然我唔好飯, 但都會食晒成碗飯呢!

呢個早餐有魚, 豆腐, 薯仔, 沙律, 納豆, 味噌湯, 白飯等等, 好豐富架!

由酒店行去美觀區好近

美觀區係江戶同明治時代既建築

特色係白色牆身加上少少歐式設計

感覺比京都更傳統

見到貓屋, 當然要入去潮聖下啦!

裏面除左有各式各樣貓精品之外, 仲有豹貓睇...(不過要俾錢入場)

是日諗住悠閒D... 冇話特別幾點起身出門口...

就係咁...去到原本想搭船仔, 因為呢日係公眾假期, 所以勁多人

朝早10點全日既船都full晒喇~~ 失策!

搭船仔要去Information Centre買票, 每20分鐘一節, 只得兩隻船, 所以好快full, 想搭就要早D去買飛喇~ {詳情}

感覺有D似周莊呀~

金賞芝麻雪糕

以為係好濃味...點知又唔係喎...一般啦~~

環境好舒服

我地喺呢間酒舖買左兩支手工酒, 酒樽都好靚呢~

黎到岡山, 點可以唔食岡山桃呀!

雖然而家唔係白桃季節, 但桃既產品都要試下既~

呢間多人排隊, 就試下佢既白桃雪糕啦!

雖然週圍都係本地遊客...但外國或中港台客就極少

食唔到由布院既金賞可樂餅, 就食倉敷既金賞可樂餅啦!

熱辣辣好好味!

裏面仲有得睇貓頭鷹喎...原本我都想去福岡既貓頭鷹Cafe架~

最後因為冇時間所以冇去...而家一場黎度就入去參觀啦! (都係要俾錢入場)

裏面原來得好細, 幾乎都冇乜時間俾你停留慢慢影...

大部份既貓頭鷹都冇野隔住, 仲可以用手背輕輕摸下佢添

呢隻就有個牌表示不可觸摸...

細細隻好精靈得意

有冇D熟口熟面呀? 佢咪就係Harry Potter既寵物囉~

有D車伕都幾靚仔...個個好似忍者咁...

呢間有鄰庵出名食布甸...見到排晒大龍....我地冇緣試囉~~

行過見到阿智神社有藤祭, 又上去八下

要行好多級樓梯呢~

上到去...大部份既紫藤都謝左lu...(謝左都費事影相)

呢幾日都見到好多鯉魚飄揚呀~

紫藤渠蓋

去到中午...係時候要搵食...喺美觀區裏面間間都大排長龍

於是我地去返JR站附近...希望少D人啦!

倉敷JR站隔離有條唔起眼既地下美食街

其實裏面都幾殘舊...有D似八十年代既商場...不過費事再週圍搵

於是揀左間小小的傳統日本料理店

因為呢度有倉敷名物ばら寿司

係一個熟既雜錦壽司飯, 啱晒唔鍾意食魚生既老公

味道都唔錯架~

我就叫左雜錦壽司+天婦羅定食, 由於全部即叫即整, 所以都等左幾耐...

不過D天婦羅真係炸得好好味!! 壽司反而一般啦...

♥紫藤の約定♥ ~ 序

♥紫藤の約定♥ ~ Day 1 (Part I) ~ 海の中道海濱公園

♥紫藤の約定♥ ~ Day 1 (Part II) ~ 蟹の盛宴

♥紫藤の約定♥ ~ Day 2 (Part I) ~ 吉祥寺

♥紫藤の約定♥ ~ Day 2 (Part II) 夢幻般的紫藤

♥紫藤の約定♥ ~ Day 2 (Part III) - 高級壽喜燒

♥紫藤の約定♥ ~ Day 3 (Part I) 天氣不似預期

♥紫藤の約定♥ ~ Day 3 (Part II) 倉敷三井Outlet