♥紫藤の約定♥ ~ Day 5 (Part I) 砂的迷思

2016年5月5日 (四) (晴)

{倉敷 > 米子 > 鳥取砂の美術館 > 鳥取砂丘 > 福ふく万葉牛 > 米子}

今日又要check out轉酒店喇~
食埋呢個豐富早餐就出發! 今日條魚比噚日好食~

由倉敷去鳥取要喺米子轉車, 所以我地揀左米子為呎日stay一晚既中轉站,  

由倉敷搭08:16既JR直達去米子要兩個鐘

一出JR就見到Yonago Washington Hotel Plaza, 極方便...

我地先放低行李喺酒店, 就再搭10:47既JR去鳥取, 時間真係較得啱啱好, 完全冇浪費

黎到鳥取縣, 即係柯南既故鄉...所以到處都會見到柯南既踪影

包括我地坐去鳥取既列車! 可惜呢架車廂內係冇柯南既...

又要搭差唔多兩個鐘先到鳥取

梗係要買返個便當食啦~

唔知係去旅行心情好, 定係便當既賣相夠吸引

雖然係凍既, 都會食得津津有味...

終於黎到鳥取喇~~ 

一出閘就見到代表鳥取既柯南同砂雕啦!!

鳥取其實都有好多唔同景點

不過我地今次主要係去鳥取砂丘

由JR站行出黎就會見到去鳥取砂丘既巴士喇!

平日可以搭0號既循環線

假日就可以搭麒麟獅子巴士

今日繼續係日本公眾假期, 所以可以搭麒麟

上到車要攞返張時刻表先!

第一站先去展望台

一上到去已經見到一望無際既日本海, 加一遍大大既砂丘

見到砂上既一點點嘛? 好多人爬梗上砂丘上面呀!

究竟點解日本都會有沙漠架呢?

原來係多年來被海水風化而成...加上由海向上陸既既風

令砂丘形成左有趣既風紋, 所以為左保護天然既風紋 (雖然都係大風一吹都冇晒)

砂丘內禁止人喺沙上寫字畫圖呢~

黎之前有少少迷茫, 都唔知參觀左砂之美術館先好定去左砂丘先好...

最後發覺我地好傻咁行晒回頭路... (不過每度都好近架啫)

我地先去左砂の美術館

砂之美術館每年都會以一個國家為主題

今年就係神秘既南美洲喇~~

喺戶外都有D小型砂雕

呢個係戶外既大型砂雕, 四面都有唔同既動物造型, 造得好仔細呢~

到左室內部份...

嘩~~ 冇諗過沙都可以雕成咁...好立體...好有層次呀!

當中都係介紹南美洲既特色, 文化, 景點...

耶穌像

成座瑪雅古城都複制左出黎!

沙同流水結合

喺呢個角度睇, 就會見到其實耶穌像係張開雙手架~~

南美洲既各種動物

森巴女郎

一個神秘既窗

由上層望落去, 就會見到原來窗內內有乾坤喎...

展館唔算好大...但都值得黎參觀呢~

～つづく～

♥紫藤の約定♥ ~ 序

♥紫藤の約定♥ ~ Day 1 (Part I) ~ 海の中道海濱公園

♥紫藤の約定♥ ~ Day 1 (Part II) ~ 蟹の盛宴

♥紫藤の約定♥ ~ Day 2 (Part I) ~ 吉祥寺

♥紫藤の約定♥ ~ Day 2 (Part II) 夢幻般的紫藤

♥紫藤の約定♥ ~ Day 2 (Part III) - 高級壽喜燒

♥紫藤の約定♥ ~ Day 3 (Part I) 天氣不似預期

♥紫藤の約定♥ ~ Day 3 (Part II) 倉敷三井Outlet

♥紫藤の約定♥ ~ Day 4 (Part I) 走進江戶時代

♥紫藤の約定♥ ~ Day 4 (Part II) 岡山城