呢排天氣咁凍, 搞到我都病左好耐...晚晚咳到甩肺...好彩而家都已經好得八八九九喇!!
等我整返個撚手薑汁撞奶做飯後甜品, 暖暖個胃先!!
好多人話薑汁撞奶唔係咁易整, 又要計溫度, 又要將鮮奶來回倒十次...
其實我.... 純粹係憑經驗!! 不過萬試萬靈架喎~ 試過一次就知道好易整架喇!
材料:
維記高鈣低B奶 236ml
糖 4茶匙
薑汁 1湯匙
做法:
先把薑磨成薑蓉
隔去薑渣 (其實薑汁多少係隨意既, 但唔可以太少), 放在碗中備用
將鮮奶和糖放入煲中, 開中火, 略為攪拌
要金精火眼睇住鮮奶, 要將鮮奶煲至出煙, 側邊有細微起泡 (千萬不要煲滾), 熄火!
再將鮮奶撞入放了薑汁的碗中
等待幾分鐘, 搞掂!!! (薑汁越多, 越快凝固)
我夠膽講呢個薑汁撞奶真係頂呱呱, 滑過山水豆腐花!!
正呀！！薑汁撞奶超美味。
回覆刪除[版主回覆01/19/2011 10:19:00]真係好滑滑架!
你好強呀, 我都要跟你做下先, 要幾多 薑先磨到你咁多磨汁呀? 我買咗材料打算今個week 做牛奶布丁
回覆刪除[版主回覆01/19/2011 10:18:00]呢個真係好容易, 又快搞掂喎~ (最耐係磨薑), 大約用2吋既薑啦, 可以整到2個人份量
C9仔好勁呀！我又要try try先！上次去澳門食 撞奶...超得超回味...HK分店差 好 遠~
回覆刪除[版主回覆01/19/2011 10:17:00]係啦...香港果d都唔夠滑既... 我去澳門保健超好味! 不過自己識整, 就唔駛出去食lu~
hahaa~ 我哋最近又係狂整哩味wor~ 試咗好多次先搵到個秘訣呀~ 又係好滑好好味~ 我諗真係淨係維記哩隻奶先撞到~ 不然要用水牛奶先得喇~
回覆刪除[版主回覆01/19/2011 14:27:00]係呀! 我試過用維他既鮮奶都唔得!
勁...我都想試下
回覆刪除[版主回覆01/19/2011 23:03:00]冬天食真係好正!! 快D試下啦~
呢一個都係我老公o既撚手甜品呀
回覆刪除[版主回覆01/20/2011 12:25:00]正呀!!!
我都好鐘意食... 不過有時雖然個樣好似 set 咗... 但係... 食食吓... 發現都係唔夠硬. (不過都好味 ) 你攪到我好想食添!!! (屋企咁岩有薑有奶啊~)
回覆刪除[版主回覆01/21/2011 09:26:00]呢個甜品真係好方便...材料簡單, 隨時都可以整呢~
D 個我都好拿手呀～～ 真係超易！！ 又勁好味！！
回覆刪除[版主回覆02/01/2011 23:54:00]係呀~ 整到覺得好神奇...仲好有成功感添!!
我整左2次都唔成功呀!!! 請問d奶係 "一見有泡泡就熄火" 定係 "成個煲邊都有泡泡先熄火"呢??? 仲有, 薑係咪普通d薑就得呢??
回覆刪除[版主回覆02/29/2012 16:52:44]鮮奶一定要買"維記"(我用高鈣低脂), 之前我買左維他都係唔成功的
煲到個邊有少少泡(不要大滾), 有煙出就可以熄火喇
薑我都係買普通薑, 但老薑仲會好d, 撞奶前先把薑汁底既粉末攪勻, 果d黃色粉末係令佢凝固既主要因素呢~
祝你成功!!
已成功了, 謝謝!
回覆刪除[版主回覆03/08/2012 10:07:29]太好喇!! 見你留言後, 我都忍唔住果晚即刻整返兩碗食! 哈哈~