上星期趁Sogo既Thankful Week, 原本目標係LC oval 24cm果個煲既...點知缺貨!! 而且睇過size, 好似好細咁...於是放棄左! 轉投staub既懷抱~ 
今日終於可以試下恨整好耐既紅酒炆牛肉喇!!!
係咪睇見都流晒口水呢?? 
紅酒炆牛肉 (二人份量)
材料:
梅頭牛肉 買左55蚊
紅蘿蔔 1條
洋葱 1個
蕃茄 1-2個
新薯 5-6個
西芹 4-5棵
蘑菇 8粒
煙肉 2片
蒜蓉 1茶匙
紅酒 1杯
牛精 1粒
熱水 半杯
法式芥末 1湯匙
鹽 少許
黑椒 少許
Rosemary 少許
做法:
1. 將牛肉飛水, 切件 (大約麻雀咁大), 備用
2. 煙肉切細粒, 紅蘿蔔切片, 洋葱切絲, 蕃茄切粒, 西芹切粒, 蘑菇一開四... 備用
3. 將牛精用熱水攪溶, 成牛肉湯備用
4. 落少許油, 爆香煙肉粒
5. 加入牛肉煮至七成熟, 裝起
6. 將洋葱, 蒜蓉炒至軟化
7. 加入紅蘿蔔, 西芹, 薯仔, 蘑菇炒勻
8. 加入牛肉, 蕃茄, 紅酒, 牛肉湯, 芥末, rosemary, 鹽, 黑椒攪勻
9. 蓋上蓋子炆半小時, 蓋上煲蓋用餘溫焗半小時, 即成!
食後感: 呢個餸送飯一流!! 梅頭肉係街市阿姐教我買既 (原本諗住買牛坑腩, 但佢話呢隻淋D), 真係冇介紹錯, 好淋, 好入味... 連D配菜都好好味! 同時亦見識到staub既威力, 細火炆, 原汁原味, 唔駛睇火, 唔會煲乾或黐底... 真係Very Good!!!
你呢個餸都用咗好多材料喎, 我估要花好多時間來做
回覆刪除牛精係邊到買架?
煙肉一包有好多片, 但唔係時時食所有有時想買的忍手
[版主回覆05/29/2011 22:17:00]我又冇計過整左幾耐呀... 不過炆既時候唔駛睇火, 可以做其他野既~
牛精可以去大百佳, taste, citysuper....都有得買架!
係呀...但我見兩個食譜都有用煙肉...所以我都照跟囉~
wah,好多料~~ 食一個餸都夠哂飽喇~~
回覆刪除[版主回覆05/30/2011 15:27:00]係呀! 我地淨係整左呢個餸送飯咋! 但仲剩返少少配料食唔晒啊!
Wow!!! You are such a good wife ... I should feel ashamed of myself now.... (it's Ant who cooks most of the time.... )
回覆刪除[版主回覆06/02/2011 00:01:00]通常都係我負責煮西餐, 佢負責煮中餐囉... 但我又鐘意食西餐多D, 所以唯有自己學煮啦~ 咁你快D叫Ant煮俾你食啦!! 哈哈!!
嘩！好吸引呀，想問下係咪一定要用呢啲煲架？
回覆刪除[版主回覆06/02/2011 11:34:00]唔係~ 不過呢隻煲既鎖水功能好好, 可以保持食物既原汁原味, 用細火炆時, 蓋上蓋子都唔會滾瀉或煲乾... 有興趣都買返個丫!! (好似做左sales添...哈哈!)
紅酒炆牛肉 MATCH埋橙色既Staub....真係好夾好襯呀!!
回覆刪除[版主回覆06/03/2011 17:18:00]我都覺得幾襯...哈哈!!
hehe... i told you i have book marked this page.... and i am making it tonight! thanks for sharing again!
回覆刪除[版主回覆12/26/2011 22:14:54]hehe~ enjoy your dinner with your honey!!