好耐冇煮過新野喇...
之前試過釀鵝肝... 今次釀左意大利飯, 感覺冇鵝肝咁漏
之前試過釀鵝肝... 今次釀左意大利飯, 感覺冇鵝肝咁漏
香草烤雞釀磨菇意大利飯
材料:
雞 1隻
意大利米 半杯
白磨菇 1/4盒
啡磨菇 1/4盒
白酒 少許
雞湯 1.25杯
Rosemary 適量
百里香 適量
芝士
鹽
黑椒
老抽
蒜蓉
牛油
做法:
1. 雞洗乾淨, 抺乾, 起骨後, 用鹽, Rosemary, 百里香, 黑椒和老抽醃數小時備用
2. 牛油起鑊, 加入蒜蓉爆香
3. 加入蘑菇炒至軟身
4. 加入意大利米及白酒炒勻
5. 分五次加入雞湯, 每次煮大約4分鐘, 令意大利米完全吸收雞湯
6. 熄火後, 加入芝士攪勻
7. 預熱焗爐200度
8. 將意大利飯釀入雞內, 用牙籤封好尾部, 雞翼尖和雞鎚骨包上錫紙, 焗45分鐘即成
食後感: 今次都好成功, 意大利飯剛剛好, 好入味, 我都幾滿意呢~
同場加映... 淘寶戰利品... 之前淘左呢隻碟, 不過買左8吋, 細得滯, 只適合放甜品
最近媽咪想買呢個high tea set, 於是我就買多兩隻大碟... 我都諗左好耐, 究竟買返上面果隻款好定下面呢個款好... 最後買左邊款就好明顯啦, 因為如果做晚餐碟的話, 上面果款有太多凹凸花紋, 切肉鋸扒會冇咁好切呢~
呢幾款碟曾經都想買 , 最後放棄
回覆刪除[蕃茄麵回覆10/07/2012 23:55:17]哈 " 我買滿一地淘寶
[版主回覆10/07/2012 23:13:04]我係最後都忍唔住買左...哈哈!
你隻LE我都有呀!
回覆刪除[版主回覆10/08/2012 10:20:27]
我都想買個cupcake 架 for 新居...
回覆刪除請問, 會唔會可以share link 比我呀??!!^^
[版主回覆10/08/2012 10:18:33]我喺呢間買的: http://greenporcelain.taobao.com/search.htm?spm=a1z10.3.6.19.b323f1&scid=162827058&scname=xczX0yBwbGF0ZQ%3D%3D&checkedRange=true&queryType=cat
呢間就平D: http://zakka-house.taobao.com/search-cat-33220621-468180491-xczX0w==.htm?checkedRange=true
你媽咪都鐘意在屋企high tea?^^
回覆刪除[版主回覆10/08/2012 12:44:16]佢想用黎放打邊爐食物, 可以慳位D呀! 哈哈~
嘩!!你隻焗雞一睇就覺得好好味呀!!
回覆刪除你煮嘢食真係好叻呀!!!我就唔得喇....成日都搞到一鑊粥咁XDDDD
D碟好靚呀!!!超想要...不過我老公唔鍾意D咁女仔款既碟=.="
[版主回覆10/08/2012 15:19:36]焗雞好容易架咋...又唔駛睇火, 超方便! 我來來去去只識煮幾味咋... 冇乜新意喇!
而家越黎越鍾意買餐具, 可惜屋企冇咁多位俾我放...所以成日要忍手呢~ 哈哈!
嘩嘩，好想食丫
回覆刪除淘寶個D碟貴ma？
[Oli回覆10/09/2012 01:11:07]上去睇下先
[版主回覆10/08/2012 17:00:26]你都試下整丫~
我買大果隻碟只係十幾蚊咋~
我喺呢間買的: http://greenporcelain.taobao.com/search.htm?spm=a1z10.3.6.19.b323f1&scid=162827058&scname=xczX0yBwbGF0ZQ%3D%3D&checkedRange=true&queryType=cat
呢間就平D: http://zakka-house.taobao.com/search-cat-33220621-468180491-xczX0w==.htm?checkedRange=true
好吸引呢!! 你真係好有心機煮0野食, 佩服佩服.
回覆刪除[版主回覆10/08/2012 20:50:05]過獎喇...其實都好求其呢~ 連洋葱都唔記得買...
西利！
回覆刪除[版主回覆10/09/2012 09:38:49]其實唔難呢~ 唔好俾佢個外表呃左呀!
睇落都好好味道啦！繼續努力~
回覆刪除[版主回覆10/10/2012 14:18:27]多謝!! 我會繼續努力架!
焗得好靚呀.... 睇見都想食.
回覆刪除我都考慮過買果隻碟, 但係怕有小小汁就好麻煩
[版主回覆10/12/2012 12:59:23]多謝, 焗完都好有滿足感呢~
通花果隻我買錯左細size, 如果買10吋的話, 有少少汁都應該唔怕既... 不過有凹凸花紋, 要切野真係冇咁好切呢, 放下蛋糕, 意粉就OK
我一直都好想喺淘寶買碟架，但又怕運到黎會爛，呢間packing ok ma??
回覆刪除[版主回覆10/12/2012 12:57:42]呢間packing幾好呀! 買左兩次都冇爛, 如果你近元朗工業區果邊, 可以自己去順豐取貨, 慳返一程運費呢~
大果兩隻都勁靚呀~其實我同你係咪鐘情d凹凸花紋呢
回覆刪除都係哩句 : 值得擁有~~~哈哈哈
[版主回覆10/14/2012 10:29:30]矛錯矛錯！巧想買曬果d碟呢！
雞中有料, 好正喎!!
回覆刪除[版主回覆10/24/2012 12:24:45]一次過滿足晒兩個願望...哈哈!
唔錯喎!
回覆刪除[版主回覆10/24/2012 12:25:03]你都試下丫!