中韓毒

2014年5月29日 (四) (晴)

嘩...呢期真係不得了

劇集睇韓劇, 飲食節目又睇"滋味行", "食得韓國D", 買衫都全部係韓國貨, 護膚品用雪花秀, 連身邊既朋友都係去韓國旅行...

最近仲要睇左"繼承者們"之後 (我知而家先睇好out)

真係迷上左李敏鎬...超級有型靚仔!! ::mm2217 

唔信的話請睇"繼承者們"頭十分鐘就知點解架喇...

救命呀...我既生活全部都俾泡菜包圍住喇!

早排喺元朗發現左間唔起眼既韓國餐廳

舖面冇招牌, 冇裝修, 但就坐滿客人, 於是好奇心驅使下就去試下喇!

舖內真係零裝修, 電視就奇怪地播住Rapunzel魔髮奇緣卡通片, 完全係九唔搭八

枱上有個特別既燒烤爐

我叫左自家制特濃豆漿, 有分有糖或冇糖, 我呢個有糖版都唔太甜, 啱晒我! 而且的確比出面街買的豆漿更濃郁杰身

韓式牛肉炒粉絲, 較為清淡, 只有少少麻油香味, 牛肉亦得好少

辣雞湯同人蔘雞湯都要最少預早三小時訂, 我地訂左個辣雞湯, 味道特別, 哈米波波話覺得似有紅棗味, 而我就講唔出似咩味...但就係我鍾意既香辣味道, 雞燉得夠淋夠滑, 唔錯!

串燒份量比較少, 叫左牛仔肉串, 以為牛仔肉會好淋, 但剛剛相反, 係肉類當中較為遜色, 羊肉串配上孜然粉係最夾的, 雞軟肉都好味, 仲有豬頸肉, 馬面魚, 冬菇

最特別係呢個自動炭爐燒烤機, 我第一次見咋...

將串燒放上架上, 就會自動轉動串燒, 唔駛自己反, 燒得好平均

金順玉

元朗安寧路170-172號地舖

收現金, Visa, AE