2014年7月16日 (三) (晴)
我地公司有個好可愛既請Tea文化
放假前夕 ~ 請食Tea
去完旅行冇買手信 ~ 請食Tea
手信唔受歡迎 ~ 請食Tea
Trainee過probation ~ 請食Tea
兒童節 ~ 請食Tea
黑色星期五 ~ 請食Tea
總之求其講個藉口都可以屈到人請食Tea既, 一個月閒閒地都會食幾日Tea架!
當然"被屈果D"係指D老細級啦!
不過絶大部份佢地都係自願既~
所以大家知道點解我會越黎越肥啦!
今日就有"自願人士"請食Tea喇!
就係試下新開既Star's Taste Cake Shop
不過要食都要有少少付出既, 就係我同兩個同事去Cake Shop攞cake喇!
店員好nice, 好健談, 佢趁pack梗D蛋糕時, 仲不停攞D蛋糕, 杏仁條, 芝士條俾我地試食
初初對呢間新Cake Shop都冇乜期望, 點知原來有驚喜喎!! (一共試左七款味蛋糕, 三款酥條)
前面係石榴味, 後面好似Sailor Moon既係熱情果味! 呢兩隻味如果俾我自己揀, 我未必會揀
但試完味之後, 兩隻我都鍾意啊!
(前) 黃色係芒果
(中) 朱古力香蕉
(後) 紅桑子
白色果件係椰子
粉紅色係白桃 ~ 呢款好受歡迎
啡色係拖肥 ~ 呢個又係估唔到幾好味...唔會太甜, 鋪面既lace都好靚
抹茶都好濃郁
而最後我就揀左士多啤梨拿破崙 ~ 用古古力包住拿破崙, 不但冇令裏面既酥皮變淋, 而且仲有雙層脆感添~
最後仲送左好多曲奇, 蝴蝶酥俾我地試食呢~
Star's Taste
中環萬邦行1樓12號舖
嘩~咁多款好豐富ar~::cc4001
回覆刪除只係揀一款都唔知揀邊樣好~::kk3024
係呀...大家都心大心細, 樣樣都幾好味呢~
刪除嘩, 好想食呀...
回覆刪除要生完先可以食啦~!!
仲有兩個多月咋, 加油呀! 而家仲要戒口呀?
刪除嘩~好豐富ar~
回覆刪除紅桑子好似好正咁.
好耐之前我公司人唔係咁多時都成日有tea 食.
而家人多左, 已經有好幾年冇人請食tea 喇....
反而散水餅就耐唔耐食
我地公司都越黎越多人, 所以有時請D貴野都幾金架!
刪除妳公司仲請唔請人呀？
回覆刪除呢問cake shop新開㗎？
我地公司請唔起你呢~
刪除間Cake Shop上個月先開架!
WOW, 請食tea既理由都有咁多, 正!!
回覆刪除哈哈...好多時自願人士心情好都會請TEA架!
刪除咁第一次見面都要請食TEA~~~哈哈
回覆刪除第一次見面我地又冇咁狼既...過左三個月先請啦...哈哈!
刪除