大食姊妹

2014年9月12日 (五) (晴)

今日同好姊妹慶祝生日!

難得約齊人又早到 (大家喺原定時間遲左半個鐘齊晒人已經算好好)

我book左同事介紹既摩廚麵館, 餐廳位於灣仔既藍屋後一條街, 都幾隱瞞, 唔係有人介紹都唔會發覺呢~

呢間主打中式新派菜, 加入分子料理原素, 睇下有冇驚喜先!

我地叫左兩個set再散叫

先黎頭盤薰蝦, 豆土絲墊底, 有丁點黑松露油點綴, 比較淡口既開胃菜

檸檬欖油雞

接住係63度蛋配磨菇蓉火腿絲

蛋味香濃, 配上磨菇蓉好滑好夾, 加上有火腿絲既咸香吊味, 令味道提升

叫左兩款鮑魚, 三隻黑松露味

三隻原味

幾乎食唔出黑松露味...大家一致認為原味好味D

 紅酒汁羊柳, 完全冇羊羶味, 食落仲有少少似乳鴿味添

慢煮美國牛肋條

龍蝦.黃金汁 ~ 黃金汁即係咸蛋黃, 但佢做到cream狀

外貎似西式, 但食落又係中式, 都幾得意呢~

仲有摩廚撈麵, 上面好似忌廉既物體, 其實係喺我地面前吱出黎既麻油

不過大家都覺得麵身過硬

甜品暖古古力慕絲... 我鍾意dark chocolate, 但呢個都嫌苦左D

另一款蘋果乳酪

其實如果一個一人set黎講, 份量都唔算少既... 

但係大食既我地, 冇返D澱粉質或者啖啖肉又點會夠喉呢~

其實我地一早已經諗定下場去Passion by Gerard Dubois食甜品既

人地10點收舖, 我地9:30先去到... 但當我地見到廚櫃裏面有各式各樣既批同三文治既時候

就好似雙眼發光一樣 (應該話好似未食過野一樣) 起勢咁叫叫叫...

一邊叫...人地已經一邊收檔中...(睇下個廚櫃都空空如也)

Finally... 都係叫左一枱咸食...加三件蛋糕

因為唔係我叫, 所以都唔知叫左乜, 淨係知無論三文治, 批定pancake 都幾好味喎!

 

                   

食完第二餐就真係好滿足喇!

最後仲要多謝壽星女既沖繩手信呢~