Mikki一天遊

2014年9月21日 (日) (晴)

星期六冇節目...留左喺屋企悶左成日

星期日一定要搵D地方去下

但我又唔想去D好多人既地方喎... 香港, 究竟仲有咩地方好去呀??

喺諗到頭都爆既時候, 我就提議去新蒲崗既Mikki行下~ (開左咁耐都未去過)

黎呢度既目的就係搵佢!!

Cafe都係走簡潔路線

牆上畫左咁大杯咖啡, 就知佢地賣點啦!

Menu比我想像中多選擇喎! 可惜我地已經食左lunch...仲未有肚食野

因為我地一心就係要試下3D拉花

呢度既3D拉花除左可以揀Cappuccino同Mochaxxino之外, 仲可以揀Chococcino

照顧埋唔飲咖啡既客人

而且有分白色同有顏色添~

仲叫左兩個甜品

我既香蕉蛋糕

呢條同食指差唔多長既古古力春卷就....未免太小家吧!

終於輪到我既粉紫色Bear Bear Cappuccino黎喇!!!

一見到佢都忍唔住不停講"嘩! 好得意!呀!!"

唔同角度咁影相更加係常識吧!

驚喜仲未完~ 當我見到侍應攞住呢杯Chococcino既時候

我心諗: 嘩! 呢杯D泡泡仲勁呀!!

原來係兩隻可愛既貓貓!!

我覺得右邊果隻好似哈碌呀!

其實所謂有顏色就係將公仔既泡泡加左顏色...睇落冇咁單調

但係要加多十蚊, 就唔係咁抵喇!

可愛到唔捨得飲呀!

其他枱既客人杯杯都唔同動物姿勢, 好有心思呀!

嘆完咖啡再週圍行下...醒起呢度有間沖繩出名既炸麵包店喎!

除左炸麵包仲有定食

餐廳裏面都好有沖繩特色呢~

一場黎到...點都要試下既!

即叫即製! 新鮮熱辣!

原來都幾大個喎!

我叫左咖喱紅燒豚肉, 雖然已經好飽, 但都覺得唔錯呀!

最後行埋一田, D黃肉桃同白肉桃都好抵呀!

黃肉桃食落超水水, 多汁

白肉桃就桃味濃D

兩款都好好食呢~