♥紫藤の約定♥ ~ Day 2 (Part III) - 高級壽喜燒

2016年5月2日 (一) (晴)

{八幡吉祥寺 > 河內藤園 > 小倉 > 旦過巿場 > 小倉城 > 禪 > 一蘭 > 福岡屋台}

上回講到...行完小倉城再週圍行下

決定早少少去食晚飯

呢日book左一間shabu shabu專門店

しやぶ禪

被安排坐private room好舒服

上次去大阪食過shabu shabu, 湯底似清水加一片昆布

我嫌佢矛味道...所以今次叫我鍾意既sukiyaki壽喜燒

叫左一個特選A4黑毛和牛

一個極上伊万里A5和牛

前菜豆腐

呢份係A4

呢份係A5, 每個套餐只得兩片牛, 有人未食已經諗定去邊度食宵夜喇...

野菜一碟

有專人用"牛油"燒熱個鍋, 再輕輕煎一煎塊和牛, 後加sukiyaki湯底

點埋蛋汁一齊食...好好味!

不過每人得兩片...一啖就食晒...真係好"珍貴"囉..

再爬埋碗飯都有八成飽既

臨走時, 經理專登送左小小紀念品包, 裏面有佢地餐廳既杯墊、用靚靚和紙摺既紙鶴同精美既牙籤... 雖然好似冇乜用, 但有呢份小小心思都好窩心

鏡頭一轉...已搭新幹線由小倉返到博多喇...

我地返酒店放低D野...輕裝再出發去食宵夜...(連相機都冇帶, 所以以下相片係手機影的)

我地去左一蘭既天神店

因為只有天神店先有既天神限定盒子拉麵

好似一個高身飯盒

我覺得同香港食差唔多...食完已經好飽喇~~

但有人仲未夠喉...黎到福岡又點可以唔去試下屋台呢~

細細個睇日劇見到屋台已經覺得好有風味好得意架喇!

呢間大排長龍喎...唔知有咩好食呢?

但最後我地都費事排, 求其搵左間算喇...(基本上間間都坐滿人呢~)

黎到日本愛上飲whisky同梅酒, 因為比香港平好多啊!

唔少得既關東煮

即叫即制明太子玉子燒

關東煮好好味! 大根超入味鮮甜

黎到福岡必食既明太子玉子燒

最後要食返D菜...

返到酒店仲要劈埋個蜜瓜

點知俾人坤左...唔知係過熟 (但又唔甜架喎!) 定未係時候定唔係夕張產...

總之就唔好食啦! 好失望囉...