♥紫藤の約定♥ ~ Day 3 (Part I) 天氣不似預期

2016年5月3日 (二) (雨)

{福岡 > 煉鐵板燒 > 新幹線 > 倉敷 > 倉敷三井outlet > 升家拉麵}

第三日要離開福岡喇...

一起身食少少野做早餐, 跟住就check out

呢日全日落住雨...雨勢時大時細, 加上又大風, 真係搞到成身濕晒!

好彩既係呢日冇乜行程, 如果喺正賞花時候落雨, 就大大掃興喇!!

最初book左最多人推介既季樂鐵板鐵, 不過因為改左行程

想再book呢日都已經full左lu...所以book左呢間 - 煉

跟住GPS去搵餐廳...俾佢老點左隔離街...最後搵左半個鐘先搵到...

被安排坐private room

叫左個有牛有海鮮既套餐

生牛肉配上酸酸的沙律汁...好開胃!!

喺日本飲酒又唔貴喎...

薯仔湯

暖暖的包

又有沙律

有魚, 蝦, 帶子

魚外脆內滑, 蝦都幾彈牙...但我略嫌落太多油

跟住有牛喇! 雖然呢隻牛只係話九州產, 冇註明咩grade, 而且睇落油花唔算多..

但食落出奇地好味呀!!

廚師仲叫我地準備相機影佢表演放火

黎日本食鐵板燒係我指定動作呢~ 真係好好味!

唔係講笑, 喺日本食碗飯都好食過人...

好滿足呀!