♥紫藤の約定♥ ~ Day 3 (Part II) 倉敷三井Outlet

2016年5月3日 (二) (雨)

{福岡 > 煉鐵板燒 > 新幹線 > 倉敷 > 倉敷三井outlet > 升家拉麵}

因為食lunch遲左，所以拿拿聲趕去搭新幹線

好彩趕得切啫!

臨上車前都不忘買返個便當…

賣相都幾靚..柚子酒好味!

我就喺車上買左山陰山陽線限定既白桃雪糕啦！

由於太大風關係，連新幹線都要delay左一個鐘

我地去酒店放低行李後就即刻爭取時間去shopping喇!

連住JR倉敷站有個Shopping mall, 

不過我地target係後面既outlet

酥皮雕魚燒好味啊！

倉敷三井outlet係中国區最大既outlet

始終呢個地區仲係比較少遊客, 絕大多數係本地人

雖然落住雨, outlet又有露天地方, 但係好多地方都有瓦遮頭, 幾乎唔駛開遮...好細心既設計呢!

我既target都係家品為主

好有間Franc franc... 不過冇收穫

除左LC同Staub之外, DANSK亦都好受煮婦門既歡迎

呢間賣傳統日式碗筷, 我喺度買左三對日本制筷子

最後當然唔少得LC啦! 

我既收穫... 自從知道日本LC outlet既價錢咁吸引之後

都唔會再喺香港任何時候買喇!

返酒店放低戰利品後, 就行去美觀區食晚飯

由酒店行去美觀區只係五分鐘左右, 好方便!

之前搵左呢間倉敷區人氣高企既拉麵店!

升家主打既魚介豚骨湯底

醬油湯底

仲有限量既魚介豚骨掛麵

餃子好好味!

我地都鍾意飲湯, 所以叫左魚介豚骨湯拉麵

喺日本豚骨湯就食得多, 呢度加入魚介, 令湯底加多份鮮味之餘, 亦保持豚骨湯既濃厚

真係食得好滋味呢~~

行返酒店途中都見到幾間便利店...當然會入去逛逛啦!

是日宵夜...

黑松露薯片好味! 一風堂碗麵最後帶左返香港食, 味道都唔錯呢~

日本好多碗麵都有埋豚肉喺裏面, 豐富好多!

講下間酒店...由於太遲book, 又遇上日本公眾假期, 所以幾乎所有酒店都爆滿...

最後book左倉敷站酒店Kurashiki Station Hotel...呀~~ 正確D黎講應該係賓館貼切D

好處: 由JR站行去只係5分鐘內腳程

樓下就有7-11, 餐廳

行去主要景點美觀區亦只係5分鐘內腳程

簡單D黎講, 地點位置係有80分既...

早餐都幾好食

缺點: 貴!!! 呢一晚既房價竟然要HK$1766

第二晚都要HK$1008, 奈何真係揀無可揀先焗住book佢!

酒店喺大樓內某幾層, 非獨立一間酒店

房間超細亦超殘舊

最恐怖係第二日我地中午返酒店放低D野...

見到housekeeper打掃梗房間...但佢原來係一個人負責打掃全層

仲要將全層既房門都打開晒....完全係可以俾人自出自入

可能佢覺得日本治安太好, 唔會有人偷野??