記得小學參加烹飪班時, 老師都有教整馬豆糕 (實際只係老師做示範), 每人都可以帶一份返屋企, 點知返到屋企雪極都唔凝固... 失敗!!
事隔咁多年, 為左哈米波波, 我就親手做一次啦!!
好彩...今次係成功的!! 仲帶左一盒返去孝敬父母添~
椰汁馬豆糕
材料:
馬豆 130g
花奶 160ml
椰漿 400ml
糖 240g
粟粉 170g
水 5杯
做法:
1. 馬豆洗乾淨, 用滾水煲至淋身, 再蓋上蓋子焗30分鐘, 瀝乾水備用
2. 將椰汁, 花奶拌勻, 分多次篩入粟粉攪拌至沒有粉粒
3. 將水煲滾, 加入糖煮至溶, 轉細火用隔篩慢慢加入(2), 不停攪拌直至煮滾
4. 加入馬豆再拌勻
5. 倒入已雪凍之器皿, 攤凍後入雪櫃至凝固
食後感: 呢個食譜係我自己改動過既...我加多左馬豆, 減少左糖, 味道啱啱好... 改進既地方係馬豆可以再淋少少啦!
P.S. 馬豆喺係百佳買既"有機馬豆"
請問馬豆即係咩豆嚟架
回覆刪除[版主回覆04/29/2011 09:48:00]我淨係知係綠豆d friend咋...哈哈...我喺百佳買一包包叫"有機馬豆"
我鐘意食呀 ~~~
回覆刪除[版主回覆04/29/2011 09:48:00]都幾易整架...係煲馬豆煲得耐d囉...同埋要焗下佢先夠淋
我以前都整過, 個食譜係要加大菜絲去凝固ga~ 不過d馬豆就煲極都唔淋, 煲咗好耐, 又焗過都係硬硬地, 唔係咁好食>.<
回覆刪除[版主回覆04/29/2011 10:26:00]我都煲左好耐好耐呀...煲完仲焗左陣先淋咋...我諗我可以再焗耐d添呀!
成功
回覆刪除[版主回覆04/30/2011 14:05:00]今次都算好成功呀! 法國唐人街有冇得賣馬豆呢?
有就有, but 唔多靚!
回覆刪除[版主回覆04/30/2011 22:45:00]icic...咁你都可以整多D法式甜品呀!