噚晚放工先同哈米波波去銅鑼灣買新皮鞋, 跟住再去買恤衫 (又係當係我送俾佢既情人節禮物...哇哈哈哈!)
跟住就去左加路連山道呢間BurgeRoom食burger!
舖仔細細都坐滿晒人... 好彩唔駛等好耐位... 先黎芝士旋風, 熱辣辣, 不過嫌唔夠多芝士...
話明蛇年要有大食大, 梗係要叫個最重量級啦, 呢個特級牛肉漢堡, 有兩塊漢堡扒, 芝士, 煙肉, 蘑菇, 蕃茄, 羅馬生菜, 仲有隻煎蛋添... 份量真係好勁, 不過我覺得咸左D
呢個就係我既鵝肝牛肉漢堡, 鵝肝好香...yummy!!! 仲有少少伴碟既柚子汁生菜, 清清地唔錯呢~
嘩，好heavy 喎。
回覆刪除[容公子回覆02/06/2013 11:25:50]我都係鐘意清清地...哈哈
[版主回覆02/06/2013 09:53:55]我都知架喇... 間中一餐啫....
WAA....好想試~
回覆刪除[版主回覆02/06/2013 11:38:29]正呀!
佢個漢堡都唔細，妳食得晒呀？
回覆刪除[版主回覆02/07/2013 15:21:21]我食唔晒呀, 老公包底!
好巨型! 祝你地有大食大!
回覆刪除[版主回覆02/08/2013 09:53:40]哈哈! 我都同你拜個早年先~ 祝你們一家三口身體健康! 萬事如意!
個漢堡好巨型呀
回覆刪除俾我一定食唔晒
[版主回覆02/08/2013 12:16:20]細果個鵝肝漢堡OK, 大果個就真係食唔晒喇!!
好大個包!! 祝你萬事如意! 新一年食得更開心.
回覆刪除[版主回覆02/11/2013 11:52:22]大家咁話，祝身體健康！豬籠入水！
嘩~~好吸引呢!!!
回覆刪除[版主回覆02/11/2013 11:59:12]Burger真係間中就會令人好想食架喇！
哩間BURGER亦都試好耐啦!! 睇見咁足料真係好吸引!!
回覆刪除[版主回覆02/22/2013 11:24:06]呢個burger真係好大份, 應該兩個人share就啱喇