今日心血來潮想食, 於是再整, 終於真正地成功喇!!
Scone (4-5個)
材料:
自發粉 225g
泡打粉 1茶匙
牛油 55g
糖 30g
鹽 1/4茶匙
淡忌廉 60ml
蛋 1隻
做法:
1. 預熱焗爐220度, 牛油置室溫放軟
2. 將自發粉, 泡打粉, 糖, 鹽和牛油放入碗內, 用手指(好似數銀紙手勢)捽至牛油和所有粉類混和, 像幼沙狀
3. 將蛋發均 (預留一點備用) 和淡忌廉加入(2)中, 用刮刀撈混
4. 在枱上灑上麵粉, 將粉團快手搓成形 (輕輕的搓便可), 用粉轆壓成2.5cm厚, 用印模印出, 放在牛油紙上, 掃上蛋液, 焗12分鐘
食後感: 今次係我造咁次最成功的一次, 不過我唔記得預留蛋液, 所以最後掃得唔夠, 焗出黎表面唔夠金黃, 但絶對冇影響鬆軟既口感, 配上塔斯曼尼亞士多啤梨果醬, 真係最佳配搭, 如果有埋clotted cream就prefect喇!! 我想之前失敗原因, 在於我將粉團搓成形時搓得太耐, 令粉團起筋變硬, 所以記住唔好搏命搓舊粉團, 輕輕將佢堆至一團便可!
我最鐘意食scone，如果燶D更正
回覆刪除[版主回覆02/04/2013 10:52:50]其實係唔夠蛋液囉... 如果掃多D喺面先焗會黃金D靚D...
勁~!! 你都好有心機喎!!
回覆刪除[版主回覆02/04/2013 10:54:09]自己一個喺屋企時通常都唔願出街, 唯有有乜材料就整黎食囉... 呢間個簡單架咋
我係用奶唔用whipping cream，唔知口感點樣唔同呢? 我都係次次無clotted cream，亦未見過supermarket有，有亦驚好快過期 >< 我地應該買一樽share!
回覆刪除[版主回覆02/04/2013 14:47:07]其實因為突然想食, 但屋企又冇奶, 所以用whipping cream囉, 我覺得口感又冇乜分別喎...我見過clotted cream喺great有得賣, 但好貴一樽囉..真係share就差唔多喇...
哩個我都愛呀)))))
回覆刪除簡單美味.....仲心形添
[版主回覆02/05/2013 10:37:29]你仲可以配你自家製果醬添喎...
[版主回覆02/05/2013 10:37:09]你仲可以配你自家製果醬添喎...
scone....我都好like...但整.....hahah....唔好預我了~
回覆刪除[版主回覆02/06/2013 11:37:59]好易整架咋, 仲易過綿花糖曲奇呢~
心形都整到~~ 好靚呀!!
回覆刪除[版主回覆02/06/2013 14:39:08]用心形模cut出黎咋嘛~
心形好可愛
回覆刪除[版主回覆02/15/2013 10:13:32]我鍾意心心啊~