愛上野餐樂

2013年10月19日 (晴)

 

秋天來了! 呢兩星期都有難得既好天氣, 好想郊遊野餐... 原本打算上星期重陽節假期到迪欣湖野餐既... 但臨出門口就落雨, 加上老公話我準備得太求其, 於是就臨時改左去迪迪尼酒店tea一tea囉...

 

星期六, 天公造美, 為表誠意, 我專登去Robuchon買左牛角包去準備我地既野餐美食

 

我整左"牛油果蕃茄雞肉牛角包"

 

放工後就搭車去山頂, 印象中N年前到過山頂大草地, 今次憑記憶再搵返條路先! 見到山頂花園跟住行上斜路就啱喇~

 

 

先會經過柯士甸山遊樂場

 

有中式庭台樓角

 

 

D相係回程時影, 所以已經開始天黑都著左街燈

 

 

亦有西式噴水池

 

 

如果唔想行得咁辛苦, 呢度都係唔錯既選擇... 不過今次我地既目的地唔係呢度

 

 

我地沿住馬路繼續向上行...

 

 

沿途亦都會見到另一個真係屋苑既"山頂花園", 曾經有懷疑自己有冇冇搞錯左... :p 

 

 

繼續比D信心沿住斜路向上行, 會見到呢條分岔路, 左邊去草地, 右邊去停車場, 但其實兩邊都係相通既... 分別在行左邊就唔駛上大斜路... 不過我地行左右手邊上

 

 

終於行到目的地喇... 有條少少隱蔽既樓梯行落去, 會見到一個有好迪迪尼feel既涼亭, 咁你就冇去錯喇!

 

 

沿途有好多靚靚花花

 

 

好靚好舒服既草地, 都有唔少人野餐喎... 仲有好多人黎影婚紗相添~ 好多樹底已經俾人霸左, 右手邊又有一大班人玩集體活動, 於是我地只好揀個草叢邊坐低啦!

 

 

行到上山頂已經又攰又肚餓...拿拿聲開動喇! 除左牛角包, 仲有parma ham, 哈蜜瓜, 金柚, 蕉, 蜜糖乳酪, 朱古力甜品同紅酒.... 好豐富呀!!

 

 

Robuchon既牛角包果然名不虛傳, 雖然唔係新鮮熱辣, 但一層層既酥皮依然酥脆, 不過見到裏面滲出既牛油, 真係幾有罪惡感...哈哈!

 

開始日落, 越黎越曬, 只好另覓好地方...

 

見到相中堆人仔嗎? 佢地玩集體遊戲玩得好投入好開心, 不過用埋大聲公, 聲浪太大, 我唔想好似去左旺角野餐咁...所以都係遠離佢地好D...

 

 

繼續樹蔭下發下夢, 飲下紅酒, 傾下偈, 又或者望下人地D狗狗跑黎跑去...好寫意... 正當我想訓著既時間, 我老公話有隻小狗走梗過黎, 我望一望佢, 同佢say hello, 佢竟然熱情到想黎舔我塊面呢~ oh no...

 

 

開始日落喇... 係時候要離開

 

 

停車場上面有呢個涼亭

 

 

仲有間士多同靚廁所

 

 

狗狗有得去郊外玩真開心

 

 

我地喺士多買左雪糕, 一邊食一邊睇日落... 開心就係咁簡單