38個月 ~ 西貢一天遊

2013年12月1日 (日) (晴)

好耐都冇去過西貢喇~ 趁住天氣咁好, 於是長途跋涉到西貢走走

黎到西貢已經有間心水餐廳想食

就係喺滿記甜品隔一條馬路, 再行前少少既

Cozy Corner

入到去感覺果然好cozy, 我地揀左張梳化位坐, 不過略嫌座位窄左D

餐廳既老闆娘同侍應都好好笑容, 好nice, 

我見到個menu, 又心思思想食tea set

但老闆娘話tea set係2:30pm先開始的

當時係1:30pm, 佢話如果我地唔趕時間的話可以坐一陣, 

叫廚師提早2:00pm整俾我地食

我地又唔想坐喺度齋等

於是就叫左個煙肉薯仔湯飲住等~

仲有蒜蓉包, 老公話聞到隔離枱既蒜蓉包好香, 加上隔離枱位女士對餐廳食物讚口不絶

但係我地既蒜蓉包冇想像咁香脆囉~ :(

tea set到喇! 份量唔算多, 以tea黎計其實剛剛好

(因每次食完tea後都飽到食唔落晚餐 :P)

頂層係咸點

有超迷你鵝肝, 下面放左一片搽左柚子醬既青蘋果, 味道幾得意

但由於鵝肝太細粒, 係幾乎食唔出鵝肝味

西班牙火腿蜜瓜

賣相好靚既檸檬煎中蝦, 蝦肉好彈牙爽口

黑椒煙吞拿魚三文治 (食左一口先記得影相)

黑椒味好濃, 底層既多士好脆, 我鍾意呢個!

中層有四個scone

分別係松子仁, 原味, 提子乾同無花果味

配自家製玫瑰士多啤梨果醬同clotted cream

我食左原味同松子味, 質感一般, 但松子仁果款唔搽醬都幾好味

底層係甜品

意大利芝士泡芙

柚子芝士蛋糕, 其實呢款味道唔錯, 但就覺得同上面既鵝肝配柚子青蘋果撞左

古古力脆脆

食飽飽就週圍逛逛

聽聞西貢有個Sunday Market

一心諗住西貢多外國人居住

攤檔會有好多特色手作精品

點知有D失望

不過天氣咁好, 出黎走走人都精神D呢~