病裏偷閒

2014年1月10日 (五) (晴)

已經連續咳左成個禮拜喇!! 睇左三次醫生都未好...

呢日一早同哈米波波約好請假去剪頭髮

下晝先去銅鑼灣既"魂"食拉麵

店仔細細, 只得四款湯底選擇

雖然冇一蘭, 豚王咁高知名度, 但店舖似由日本人經營, 應該都唔錯吧!

唔知coming soon既猛虎係咩呢?

日本梅子雪碧, 梅味唔夠

哈米波波要既"魂", 濃豚骨湯, 麵質中軟硬度, 醬油要淡味

豚骨湯好濃, 好重骨膠原既膠質感覺, 杰度仍可接受

麵質亦彈牙, 但叉燒就唔及豚王好食喇!

我慕住咳到甩肺都要試"火魂"

蕃茄辣汁豚骨湯, 上面有少少三文魚肉, 醬油要濃味

蕃茄味唔算突出, 好彩只係微辣啫, 好喜歡佢個湯底, 好厚有質感, 濃而不膩

我幾乎成碗飲晒呢~

剪完髮只係三點左右, 難得放假又唔想咁早返屋企

於是老公提議去茶木食tea

沒有下午茶餐, 選擇亦唔算多

只係被呢個芒果黃金磚吸引左

麵包磚黃金酥脆, 食落似炸饅頭

熱水果杯好好味!

加入菠蘿汁既綜合水果茶

每晚都non-stop喪咳, 由其係一踏入11pm就好似變人狼咁

真係嚇C人

多謝哈米波波煮左幾晚勁薑愛心湯圓俾我食

夜晚真係咳少左呢~

令我從病中感到幸福喔!