工展會 @ Boxing Day 2013

2013年12月26日 (四) (晴)

Boxing Day又係瞓到晏一晏先起身

第一站先去醫肚先

去左天后既Cafe Eos, 之前經過都好想去試架喇! 店內都好有聖誕氣氛

叫左兩個Tea Set~ 有芝士吞拿魚多士同芝士火腿牛角包

咁簡單都冇話唔好食既~ 但呢度既服務態度就真係唔啱

侍應全程黑面, 語氣亦好差

跟住就去行工展會...人山人海啊! 所以都冇影相

不如睇下我D戰利品啦!

喺I Love Kitchen見到有人示範梗呢把刀, 

其實屋企用開果把廚師刀都好夠利, 但刀片太薄, 有時切D硬物就覺得唔夠力

呢把刀聲稱可以切骨, 切南瓜, 葛等都輕而易舉

刀峰係鋸齒設計, 所以利用推拉方法就好容易切到硬物喇

以前每次切粟米都要老公代勞, 而家自己都可以切到喇!

買刀仲送左罐頭刀, 刨皮器同隔熱墊

仲有呢個康寧牌既玻璃蒸籠, 其實先係我入工展會既主要目的

但一心諗住放喺我24cm既Staub用, 點知...

一句講晒"唔啱"

喺我好失望, 正想賣走呢個玻璃蒸籠之際

俾我搵到屋企呢個湯煲啱size喎!!

不過煲身太高, 如果要蒸野咪要用好多水?

跟住搵到另一個易潔煲高度啱啱好喎...可惜個煲蓋又係太細

最後要集合湯煲既煲蓋+易潔煲先最fit

咁以後可以多個蒸籠用喇~

又可以下面煲粥, 上面蒸粽, 夠晒慳爐火啦!