吉豚屋

2014年12月18日 (四) (晴)

元朗D食肆真係轉得好快

之前食過一間好食既吉列豬扒, 好快就摺左喇!

正所謂一雞死一雞鳴

喺敎育路又開左間"吉豚屋"一於試試先

標榜抵食夾大件

有檸蜜同菊花蜜, 食完都唔怕熱氣

其實寫呢篇blog時, 我已經食左兩次喇~

第一次去時, 剛開業冇耐, 有款抵食加大咖喱吉列豬扒飯

炸粉唔太厚, 剛剛好, 豬扒好厚肉, 但裏面仲係juicy唔嚡口

豚肉味噌湯亦用料十足, 有豚肉, 白蘿蔔, 紅蘿蔔, 薯仔, 非常豐富

唔覺唔覺一個人就KO晒喇!

最近再去推出左壽喜燒同豚肉泡菜鍋

哈米波波叫左豚肉壽喜燒配出前一丁 (仲可選白飯/烏冬)

不過我略嫌咸得滯

而我就要鐵板吉列豬扒 (豉油汁)

今次因為D汁蓋過左塊豬扒, 所以冇第一次食咁脆

但送飯都一流!!