慶生第一炮

2014年12月20日 (六) (晴)

每年我都好感恩有各方好友同我慶祝生日

帶俾我驚喜

第一炮有我既shopaholic buddies全天候陪住我

同我預祝生日, 真係超開心! 

好多年冇試過撇低哈米波波同人去睇戲喇!

翻生侏羅羅雖然同之前兩集既橋段好似

但我一樣睇到好開心!

跟住時間安排得啱啱好，夠鐘去食afternoon tea

我地去左北歐風既Finds

坐喺窗口位，享受住暖暖既陽光, 真係好舒服

貪得意點左lavender coffee

薰衣草同咖啡味就冇乜喇，淨係覺得好甜啫!

較特別係有兩款煙三文魚同salmon pastrami

夜晚會合埋哈米波波同兩個朋友

一齊去左山林道既BBQ7080

好有韓國feel

呢度係用鐵板黎燒....缺點係好易黐底!!!

前菜都有幾款

我地叫左雞肉, 醃豬扒, 牛肉拼盤同鱔

牛肉拼盤有不同部位 (已經唔記得係乜) 每樣都幾好味!

最愛用生菜包住烤肉, 辣醬同泡菜一齊食!

食食下突然有條八爪魚從天而降

原來係每枱免費送既...(聲都唔聲就放落黎...仲要郁郁下, 真係有D嚇親)

再黎個韓式便當, 的的式式, 樣樣都有D

唔少得韓式拉麵, 如果辣既仲好!

仲有蒸蛋

食完已經好飽, 但佢地提議食甜品... (又係第二個胃開工既時候)

去左厚福街既Sugarland

棉花糖焦糖布丁

古古力可可米+粟米片...好似食梗早餐呢~

心太軟...唔流心既...唔合格!

分量十足既窩夫

澎湃既香蕉梳夫厘, 裏面有新鮮香蕉肉...yum

呢日真係好開心... 好多謝佢地為我安排左咁多節目!!
長大後都能夠識到志同道合既真心好友真係好難得呢~