猜猜我去邊?

2015年4月26日 (日) (晴)

睇到呢張相估下我去左邊?

(十秒鐘時間…)

大家咁識飲識食，相信難唔到大家…

就係南丫島喇!

星期日天氣咁好，好想去離島行下

我地最鍾意就係長洲同南丫島架喇!

貪佢有得掃街嘛！

每次必食既泰式辣汁串燒

豬，牛，雞各一

不過味道好似冇以前咁好噃…以前辣好多架!

跟住必食既仲有Shelly Cake Express

而家喺門口仲擺多左其他野賣…

有佢地重新包裝既低糖綿花糖

唔同口味既曲奇

我試左抹茶同古古力

抹茶味唔太突出

古古力就濃郁d

兩隻都好香脆, 不過我就偏好鬆化口感既曲奇多d

仲有PUSH UP蛋糕

造型特別, 應該好受小朋友歡迎呢~

我叫左檸檬撻, 呢款撻我係極少叫既, 因為我好怕酸

但呢款酸酸甜甜得黎好fresh...令我對佢印象改觀

香蕉芝士蛋糕... 有粒粒香蕉肉, 加上香濃芝士蛋糕, 好好味!

我既Tiramisu Latte, 味道偏苦...我寧願飲返Irish Coffee咯~

其實呢間Cake Shop係好home made feel, 質素唔算十分驚艷, 而且價錢都幾貴

不過每次黎都總會幫襯下, 可能係情意結, 又或者想支持下小店啦!

之前食唔返以前滋味既串燒

一直死心不息...見到第二檔又買黎試下

珍寶腸同豬頸肉...豬頸肉韌左D...

又幫襯阿婆豆花, 冇晒凍, 唯有要暖啦... 一樣咁滑一滑

再向沙灘方向行, 見到呢間好多人排隊喎...又忍唔住試下

燒菠蘿同燒粟米, 老闆娘話呢支粟米比較細支, 所以收少我五蚊, 真係老實喇!

而且毫不吝惜地搽上厚厚牛油同蜜糖...黃金香甜, 難怪咁多人幫襯啦!

原來呢度仲開左間達洋精品店...達洋係乜水我就唔知...

不過見係貓貓, 我都會有興趣去睇下既~

對間條貓情有獨鍾

隔離仲有間呢隻貓貓主題既酒店...

不過房價拍得住巿區酒店呢!

喺洪聖爺灘樹下hea左陣...吹下海風好舒服

因為突然想食Fish & Chips, 所以就去返榕樹灣搵間餐廳食啦!

見佢咁多西人+酒吧格局...應該有Fish & Chips卦?!

我地鍾意試果味啤酒, 一杯係Apple Cider, 一杯係Mango Cider

芒果果杯完全飲唔到芒果味呢~

我既主菜?!

你肯定呢舊成隻雞脾既係魚? 炸到燶口燶面...睇見都扣晒分...

薯條又淋...好失望!

哈米波波既Beef Burger就好D...

Buffalo Wings 

似乎我選擇喺度食, 而唔行去索罟灣食海鮮係錯誤既決定囉...