錦上路跳蚤巿場 x 青衣夜巿

2015年5月3日 (日) (晴)

Long weekend既最後一日

4點幾先出發去錦上路跳蚤巿場

都算有幾多檔攤...喺呢度慢慢尋寶, 話唔定會搵到心頭好呢~

我就搵到呢間喇!

裏面有好多我鍾意既碗碗碟碟, 價錢又平, 真係好想買晒返去呀!

2層/3層cake stand都只係$100 - $300, 咁平去邊度搵?

最後買左兩隻碗, 一隻碟... (其實屋企已經有好多隻碗喇...)

仲有寵物用品店

經過呢間豆花譜, 老闆熱情hard sell呢個雪冰多士

裏面用黃豆造成既雪冰, 全天然

坐落後好多人幫襯

老闆仲要細仔示範食法, 稍有唔對, 都會糾正你的...

好完美主義啊!

well...講返呢件雪冰多士, 中間係好濃郁既朱古力雪冰

上面加上麥維他碎, 味道唔錯

好快行完跳蚤果邊...跟住就行去錦田紅磚屋喇...

呢度係一個有蓋market, 不過店舖只得二, 三十個左右

有賣園藝用品

爉蠋最吸引我

裏面有好多款呀!

去完Flea market, 就轉場到青衣既night market喇!

呢度係一年一度既臨時戲棚兼夜巿

可能香港人太鍾意逛夜巿同掃街喇...

小小一個夜巿都迫滿人

裏面既檔攤種類都算幾多架! 

有燒海鮮, 燒蠔, 串燒, 碗仔翅, 燒茄子, 牛柳粒等等

我地重點揀左原個西瓜黎排隊

嘩....前面粗略估計有成一百, 幾十人...

我地就分頭行事, 佢負責排隊

我就週圍睇下仲有咩食...

我主要揀D少人排既算喇...

呢隻台式辣腸都唔錯丫!

即榨香蕉奶

黑椒牛柳粒

買左三轉, 終於都排到原個西瓜喇!

西瓜好甜, 原個飲好爽...不過要畢D西瓜肉就難D

想去的話, 就把握機會喇!

日期:	2015年4月30日 - 5月4日 《真君誕》, 2015年5月18日 - 22日 《天后誕》
地址:	青衣青綠街38號
時間:	7:30pm-12am (我地7:00pm去到已經人山人海, 我建議可以再早D去)