♥追櫻。高雄。阿里山♥ ~ Day 3 等待黎明

2015年4月3日 (五)  (晴)

{祝山觀日 ->觀日步道 }

上回講到...祝山觀日火車會喺凌晨4:10開出

所以我地2:30am就要起身梳洗, 準備出門口喇...

去到火車站...好多人排隊買車票呀! 

好彩我地package已經包左火車票，可以直上月台

天都未光喔！我地算係第一批上火車既乘客啦！

4:10am準時開出

阿里山 <-> 祝山呢條觀日線係全台最早開出既路線

呢度亦係全台最高既火車站

我地早起，但有人比我地更早

等待黎明前就靠呢度熱辣辣既早餐暖胃喇!

我買左蛋吐司

熱古古力

預計日出時間為06:00... 我地仲有成日鐘要呆等

清晨既氣温好凍...要帶冷帽頸巾禦寒呢~

個天開始光喇...相信太陽伯伯已經出左黎...不過我地既位置俾山遮住, 所以仲要繼續等

出黎喇~~~ 出得好快呀!

早上既太陽特別溫暖...睇完日出都特別精神呢~

聽講由於阿里山地勢高, 容易有霧, 唔係成日可以順利睇到日出架!

我地都算lucky喇~

捉太陽

睇完日出...大家都精神晒...而且時間尚早...一於齊齊動動身做晨運啦~

雖然我地車票係包回程, 但係我地都選擇走落山...

再見喇~ 阿里山小火車

沿住觀日步道行

走落山既好處係可以再享受森林浴

好有日式feel呀!

又見到海芋田

今日天氣比噚日好...又再影下花花先~

台灣一葉蘭

行到落山, 八點都未夠

去食個養生早餐先! 白粥, 肉鬆, 咸蛋配香濃豆漿

朝早得14度好清涼舒服

之後要到11:30am先集合...返酒店眠一眠先~

瞓醒check out左...再出去買下小食

到山區必食既山豬肉腸同烤山豬肉啦!

搵個靚位坐底食~

嘻嘻...就係七仔出面既枱櫈...櫻花樹下慢慢享受

阿里山火車站二樓有個介紹阿里山森林鐵路一百年既展板

原來阿里山森林係由日本人開發架! 

舊式既火車頭呀! 而家間中仲會行駛架~

仲有呢架檜木列車...喺櫻花季期間都會間歇性行駛...可惜我地就遇唔啱時候

如果唔係就有機會見到咁靚既景像呢~ (呢幅係影展覽既poster咋)

之後下一站就會快閃奮起湖喇!