♥追櫻。高雄。阿里山♥ ~ Day 3 奮起湖衝。衝。衝

2015年4月3日 (五) (晴)

{阿里山 -> 奮起湖 -> 天長地久橋 -> }

離開阿里山, 我地就出發去奮起湖喇~

沿途見到好多阿里山既梯田茶園

見到紫藤呀! 四月中至四月尾紫藤盛開會好靚呢

我地只係停留喺奮起湖一小時

所以一早鎖定目標即刻衝。衝。衝喇!

貓咪時時都係咁悠閒識享受

由奮起湖火車站行落去就去到奮起湖大街喇!

好快搵到我地既目標之一

奮起湖便當...據聞奮起湖既阿良便當最有名, 但我地去到時好似裝修梗...

所以去左呢間鐵路餐廳

一人一份便當

我要機關手, 佢要光復特快

即係滷雞腿同鹽酥排骨

雖然睇落好似好簡單, 但味道的確唔錯呢~

食飽飽再快閃老街

呢日係台灣公眾假期, 所以到處都人山人海

樹蕃茄講到有咁益, 後悔冇買黎試下添~

呢隻混蛋係咸蛋+皮蛋+茶葉蛋混合體...其實係咪魔術道具黎架?

其實呢度週圍都係食便當既餐廳...

目標二就係食真正既愛玉喇!

司機話呢度既愛玉係天然既, 其他地方好多都係用粉開架

我地就食左愛玉豆腐花, 好清涼好滑

其實仲有好多其他小食, 都冇時間慢慢品嚐Lu

唔知有邊位有興趣去"文史"館呢? 哈哈...

奮起湖站裏面仲擺放左D舊式火車展覽

快閃奮起湖之後...

下一站係"天長" "地久"橋

呢條係天長橋

落到下面呢條就係地久橋

仲有濟公廟

跟住原定行程係去嘉義文化路(美食街)

諗住可以掃下行, 買下野...

點知司機突然車左我地去呢個檜意森活村(好難記既名)

仲猛咁話好啱我地... (哼! 你又知?)

雖然有少少被賣豬仔感覺...不過即管去行下啦...

原來週圍都仿照日本京都小屋建築而起

好似瞬間就去左京都一樣

都係一個影相既好地方黎既~

呢D小屋裏面有唔同主題

好似呢間係貓屋

所有都係同貓有關既~

啱晒我呢個貓奴

仲有玩具館, 不過要俾入場費既

仲有個荷花池...

小食亭

許願竹

啊~ 呢D全部都係我既願望啊!

巨型招財貓

由於早左散band, 於是喺火車站附近逛下

又去七仔買小食

呢個苦瓜分解茶, 有冇效就唔知...不過心理上好過d啦~

櫻花蝦飯糰好味!

呢個古古力香蕉奶就一般啦

台灣人真係好愛貓喎...

到處都見到貓貓踪影呢~

送俾各貓奴

呢幾日係台灣公眾假期, 火車都全滿...好彩出發前已經買定車票, 唔係就呢hea喇~

返到高雄, 拿拿聲去酒店放低行李就出去食飯喇~

今晚要去食麻辣火鍋~~ 好掛住台灣既麻辣鍋啊!

我地比原定訂枱時間遲左成半個鐘, 所以都要等一陣位

welcome drink 唔記得係咩添

呢度既環境同服務都好好!

難怪時時高朋滿座啦!

連個鍋既外型都係一個鼎, 好特別呀!

我地叫左中辣, 但唔算好辣...而且冇乜麻味...

其他配料都好新鮮精美...

服務員每次上菜或落單, 甚至加水後, 離開前都會躹躬, 真係有D唔慣...哈哈!

食飽飽返到酒店, 就撞到我既中學同學(酒店老闆娘), 好有緣啊!

不過當時佢忙住招呼親友, 所以忘記同佢合照呢~

今晚會入住酒店既另一款客房

啊~ 差D忘記介紹酒店呢架咁有特色既lift

係仿懷舊拉閘lift黎架!

不過唔駛擔心安全問題噃...佢要兩度閘閂晒先會開動架!

燈燉! 間房係咪好open呢?

呢間係我住過咁多間酒店最最最open架!!!!

連廁所門都冇...係呀! 馬桶都係用一塊透光既布遮住...真係有D唔慣呢~

廁所一眼睇晒...有大浴缸, 淋浴, 馬桶...