今日難得好天, 下晝去左今年第一次既夏水禮... 游完水又攰又肚餓, 夜晚梗係要慰勞下自己啦~
煮左薑葱炒蟹, 辣酒煮花甲同白灼蝦
{薑葱炒蟹食譜}
呢個係參考Florence既辣酒煮花螺食譜既...但我同哈米波波都鍾意食花甲多D...所以將佢轉左做花甲, 步驟更加簡單!
煮左薑葱炒蟹, 辣酒煮花甲同白灼蝦
{薑葱炒蟹食譜}
呢個係參考Florence既辣酒煮花螺食譜既...但我同哈米波波都鍾意食花甲多D...所以將佢轉左做花甲, 步驟更加簡單!
材料:
花甲 1斤
蒜蓉 4-5瓣
指天椒 6隻
八角 5粒
乾葱 1粒
桂林辣椒醬 2湯匙
雞湯 400ml
紹興酒 1/3碗
做法:
1. 花甲用鹽水浸吐沙
2. 燒熱油, 爆香蒜蓉, 指天椒, 八角和乾葱
3. 加入辣椒醬和雞湯煲滾
4. 下花甲至開殼全熟, 下紹興酒, 蓋上蓋子10分鐘即可
食後感: 我同老公都鍾意食辣, 所以落重手, 越食越辣, 又重酒香...好味!!
睇到個花甲好吸引丫，越辣越正tim
回覆刪除原來妳老公都鐘意食辣，如果有機會一齊食飯，唔駛就住就住啦
[版主回覆07/29/2013 10:45:10]但我成日見你食川菜好多辣椒都只話普通辣, 我驚我唔夠你咁勁喎...哈哈!!
你都試下整呢個丫, 唔用花甲可以用花螺, 食到噴晒火!
我就覺得呢個係中辣, 越食越滋味, 但老公話再食就變孖膶腸, 食唔落喎...
3樣海鮮我都鐘意~~嘿嘿~
回覆刪除去邊樹下水呀~~有無相睇先
[版主回覆07/29/2013 10:46:10]我都好鍾意食海鮮架!
去屋苑會所游咋嘛...所以冇影相啦~
哈哈，等我下次唔整辣酒花螺，改為花甲
回覆刪除我地都好鐘意食花甲
花甲我會用水浸，之後落一湯匙酒，咁就可以吐晒沙出黎，好方便。
[版主回覆07/29/2013 10:49:53]多謝你既食譜呀!
[版主回覆07/29/2013 10:48:44]花甲食得方便D嘛...哈哈...我地係懶人
同埋花甲比普通蜆少沙, 有時會放隻鐵匙羹落去, 都可以吐沙架
,夏天就快完，咁遲下水架妳！
回覆刪除[版主回覆07/29/2013 10:51:53]之前成日落雨嘛... 香港既夏天邊有咁快完喎... 起碼游埋九月啦~
勁勁勁勁!!
回覆刪除[版主回覆07/29/2013 15:59:20]唔勁啦, 全部都好簡單架咋~
終於今次我同妳口味一樣嘞! 上面3樣我全部都鍾意~
回覆刪除[版主回覆07/30/2013 16:59:25]Yeah~~ give me five
[成日都好鬼happy 既Mrs.T回覆07/30/2013 16:50:13]我係辣后來架!
[版主回覆07/30/2013 11:16:05]你都食得好辣架? 咁要試下煮呢個辣酒煮花甲喇! 正~
其實同老公口味夾好重要... :)
回覆刪除[版主回覆08/01/2013 22:48:14]佢係俾我訓練到越食越辣呀，不過唯一唔夾係佢唔食刺身囉
好似唔多夠食喎
回覆刪除[版主回覆08/03/2013 22:50:32]真係唔夠喉呀！哈哈