熱辣辣宜蘭夏令營 Day 3 ~ 櫻桃烤鴨宴

2013年7月1日 (一) 晴

去完幾米公園就去食今日既重點美食 ~ 烤鴨宴喇!

之前提過櫻桃鴨係宜蘭既著名美食之一, 而食櫻桃鴨最出名就係喺宜蘭晶英酒店既紅樓中菜廳, 呢度lunch time都分兩個時段, 而呢日係星期一都坐無虛席, 我亦都要提早一個月就已經book位喇!

 

我地16人, 分左兩張枱, 每枱都叫左一個8人套餐

又係西瓜汁

主角出場喇!! 淨係睇見呢隻烤鴨既光澤, 聞到香氣撲鼻, 已經流晒口水喇!!!

師傅手起刀落...

而家睇返都好想再食呀!!

趁師傅片梗皮時, 就先上頭盤四小碟先... 呢碟係五味中卷, 淨睇個名都唔知係乜, 都係搏一搏試下, 原來係魷魚, 加上美味醬汁, 唔錯啊!

醉雞... 印象中都係上海菜館果D好食D

麻辣牛筋, 呢個BB級麻辣, 令人好開胃!
 


冰糖茡薺 ~ 一上枱...咦? 連皮既? 問過侍應, 佢都話可以連皮食... 但似乎其他團友都好似對呢舊黑蚊蚊既野冇乜好感... 食過既團友話OK, 而我本身麻麻地馬蹄, 所以都冇試... 最後淨返晒成碟喺度...

鴨油麻婆豆腐... 呢個麻辣味都幾重, 好味!!
 

片皮鴨係有人代勞卷好既, 餅皮係加入左三星葱, 裏面鴨皮卜脆脆... 不過俾我揀都係鍾意自己包多D

 呢個係手櫻桃鴨握壽司, 係呢度既大廚自創, 亦係招牌菜之一, 真正食到鴨既甘甜, 中間係一片芝士, 再包住壽司飯, 一口一個, 鴨油喺咀裏爆發, 真係超好味!!

 淨返鴨肶點上醬汁

 

仲有鴨鬆生菜包



慢火白菜煲鴨湯, 鴨湯煲成奶白色, 質地杰身, 但大家都嫌湯太油, 而且好creamy, 唔似中湯呢~



三星葱爆牛肉, 牛肉同葱好夾好入味!



唔知道原來之前已經有麻婆豆腐, 喺自選菜色入面又叫左蟹粉豆腐, 不過食唔出蟹粉...



鴨葱油拌蔬菜, 菜有五款選擇, 我地都係好穩陣咁叫返通菜, 鴨葱油係另上既, 我見隔離枱既侍應幫佢地成碗撈落D菜度, 不過我地都怕肥冇落...

仲有穩陣高麗菜



但隔離枱既團友就勇於嚐試新事物, 分別叫過水蓮同過貓... 水蓮有D似韮王, 而過貓 (下圖) 就真係好特別, 一邊咀嚼, 佢就一邊分泌D滑潺潺既黏液出黎... 漿住成個口咁, 感覺好難受...



送上一杯果醋消滯

 

 原來仲有條魚

最後就係呢個八寶芋泥, 裏面有芋泥, 紅豆蓉等

食飽飽就要返台北喇... 呢日係平日, 所以冇塞車, 俾預計時間仲早到左, 可以多D時間shopping添!



不過天氣太熱, 行左一陣已經頂唔順, 又要食返碗冰先~

之後會合返其他團友去呢間位於桃園街 (西門町另一邊) 一間完全唔起眼又無招牌既店食牛肉麵



粉蒸排骨

滷水豬手, 好入味

紅燒牛肉麵, 呢度湯底都幾濃, 冇藥材味既... 而我都係鍾意食有藥材味既多D

呢次真係玩足三天, 夜晚搭10點機返香港喇!! 呢日喺香港打三號風球, 好彩只係delay左20分鐘, 而且返到香港冇落雨, 個天仲好清添...真係Lucky啊!