熱辣辣宜蘭夏令營 Day 1 ~ 上引水產

2013年6月29日 (六) 晴

期待以久既宜蘭之旅終於成行喇! 我地一行十六人浩浩蕩蕩出發...朝早6:15am就去到機場集合, check in完可以免費攞一張台灣特別版優遊卡(即台灣八達通), 雖然裏面冇面值, 但可以唔駛俾按金都唔錯丫~



大家係咪聽到"華航"兩個字都有D卻步呢? 今次係我第一次搭華航, 除左飛機餐難食D之外, 其他都OK喎, 又冇delay, 回程時香港打三號風球都只係delay左20分鐘, 喺機上睇左半套"寒戰"就要落機喇~

話咁快就到台灣喇~ 一出機場, 第一時間去櫃員機襟錢, 因為我地既"台灣資深領隊"話櫃員機個rate係最好既, 我就冇考究過喇... 不過都係聽佢講, 喺香港櫃員機activate海外提款呢個function, 去到就襟錢喇...

第二件事就係去買電話卡, 我地揀左中華電訊, 300元台幣, 3日無限上網+100分鐘電話通話, 上網速度都OK, 好多地方都收到! 其他團友分別買左"台灣大哥大"同"潤訊", 發覺"潤訊"係收得最差既~

如果大家唔想買電話卡的話, 亦可以去對面既遊客中心, 用passport免費申請個"iTaiwan wifi"服務, 只要有"iTaiwan wifi"標誌, 就代表可以免費上網喇!

一切準備就緒, 我地兩架九人車都已經等梗我地喇~ 第一站就去到呢期至hit既台北上引水產食海鮮~ 淨係睇門口已經感覺良好喇!

睇睇個平面圖先, 左手邊淺藍色部份係賣活海產同急凍海鮮, 中間啡色就係立食區同超市, 棗紅色係二樓火煱區, 右手邊綠色部份就係戶外燒烤區



一入到去會見到一大排活海產, 有大大隻鱈場蟹啊!! 仲有急凍海鮮等等...

不過我一早已經鎖定目標, 要食炭道備長炭海鮮燒烤!! 每個區都需要攞籌等位的, 不過戶外既燒烤區算少人等位...

唔好講笑, 企喺戶外一陣我已經變成水人... 要買杯果汁降溫先!

就黎杯西柚汁吧 (忘記了食蝦係唔可以配維他命C, 好彩唔係食好多蝦啫!)

燒烤有人待勞, 唔駛自己熱辣辣對住個火... 睇見已經流晒口水喇!

坐低後會有專人帶你去揀海鮮既... 查實到而家為止, 我仲未知台幣係對幾多... 就扮一扮豪客, 唔睇價錢, 想食就叫啦!!



我地咁多人, 當然唔可以一齊坐啦, 於是我地兩個自己一枱, 唔駛同人爭...哇哈哈哈!! 燒完既海鮮會有人攞過黎, 放喺爐上面, 而個爐其實係係冇火既, 只係靠上面既熱石春幫D食物保溫架啫...



先黎左個醉蝦, 唔明點解會叫左呢個... 不過都OK既, 都幾重藥材, 杞子同酒味

烤北寄貝, 我只係叫左兩隻, 原來打開左變四份~ 串燒小牛排好味!

烤扇貝超鮮甜!

串燒帶子, 必食!! 大大粒, 好juicy

南非小鮑魚, 我鍾意食有汁既多D, 但老公話好食!

燒粟米都好得!

 主腳出場喇! 黎呢度就係為左"佢"

真係有手臂咁長架! 啖啖肉, 夠鮮味~ yum yum yum!!

 埋單

食飽飽週圍行下, 冬天黎食鍋物應該都好正!
 

立食區係食海鮮凍盤, 有團友試左, 一個二人set有沙律, 鱈場蟹腳 (小), 生蠔, 鮑魚, 刺身, 螺肉同兩杯白酒, 每位大約二百幾蚊港幣, 好抵食啊!

仲有D家品賣


有花店


最後喺超市買左芝蔴同抺茶雪糕, 買二送一 (TWD180)